കൊച്ചി: സംവിധായകൻ ഒമർ ലുലുവിനെതിരെ ബലാത്സംഗ കേസ്.
യുവ നടിയാണ് സംവിധായകനെതിരെ പരാതി നല്കിയിരിക്കുന്നത്. സിനിമയില് അവസരം വാഗ്ദാനം ചെയ്ത് നിരവധി തവണ പീഡിപ്പിച്ചെന്നാണ് നടിയുടെ പരാതി.
സംഭവത്തില് നെടുമ്പാശ്ശേരി പൊലീസ് നടിയുടെ മൊഴിയെടുത്തു.
അതേസമയം, കേസിന് പിന്നില് വ്യക്തിവിരോധം ആണെന്നാണ് ഒമര് ലുലുവിന്റെ മറുപടി.
നടിയുമായി അടുത്ത സൗഹൃദം ഉണ്ടായിരുന്നുവെന്നും സൗഹൃദം ഉപേക്ഷിച്ചതിലുള്ള വിരോധമാണ് പരാതിക്ക് പിറകിലെന്നും ഒമര് ലുലു പ്രതികരിച്ചു. പണം തട്ടിയെടുക്കാനുള്ള ബ്ലാക്മെയിലിംഗിന്റെ ഭാഗം കൂടിയാണ് പരാതിയെന്നും ഒമർ ലുലു പറയുന്നു.
