കോട്ടയം: മലയാളികളുടെ പ്രിയപ്പെട്ട പ്രഭാത ഭക്ഷണങ്ങളില് ഒന്നാണ് ഇഡ്ഡലി. ഇഡ്ഡലിയും സാമ്പാറുമാണ് എല്ലാവരും ഏറെ പ്രിയത്തോടെ കഴിക്കുന്നതെങ്കിലും മിക്ക കറികള്ക്കൊപ്പവും ഇഡ്ഡലി നല്ലതാണ്.
മീൻ കറിയുടെ ഒപ്പം വരെ മലയാളികള് ഇഡ്ഡലി കഴിക്കാറുണ്ട്. എന്നാല് എത്ര തന്നെ ശ്രമിച്ചാലും സോഫ്റ്റ് ഇഡ്ഡലി ഉണ്ടാക്കാൻ കഴിയാത്തതാണ് പലരും നേരിടുന്ന പ്രധാന പ്രശ്നം.
മാവ് അരച്ചെടുത്ത് പുളിപ്പിച്ചാല് മാത്രം ഇഡ്ഡലി സോഫ്റ്റാകില്ല. അതിന് ചില പൊടിക്കെെകള് നോക്കിയാലോ? അരച്ചെടുക്കുന്ന മാവ് എത്രത്തോളം പുളിപ്പിക്കുന്നുവോ അത്രത്തോളം നല്ലതാണ്. എന്നാല് വേനല്ക്കാലത്ത് മാവ് ഒത്തിരി നേരം പുളിപ്പിക്കാൻ മാറ്റി വയ്ക്കരുത്. ഇഡ്ഡലിക്കായി അരിയും ഉഴുന്നും അരയ്ക്കുന്നതിനൊപ്പം കുറച്ച് റവ കൂടി ചേർത്ത് മാവ് തയ്യാറാക്കി നോക്കൂ. ഇഡ്ഡലി സോഫ്റ്റാകാൻ അത് സഹായിക്കുന്നു.
അരിയും ഉഴുന്നു കുതിർത്തെടുക്കുന്നതുപോലെ അവലും വെള്ളത്തില് കുതിർത്ത് മാവ് അരയ്ക്കുമ്ബോള് അതിനൊപ്പം ചേർക്കുക. മാവ് നന്നായി അരയുന്നതിന് ഇത് സഹായിക്കും. ആ മാവ് ഉപയോഗിച്ച് ഉണ്ടാകുന്ന ഇഡ്ഡലി നല്ല പഞ്ഞിപോലെ സോഫ്റ്റായിരിക്കും. പുളിപ്പിക്കാൻ ഉപയോഗിക്കുന്ന ചേരുവ എത്രത്തോളം നല്ലതാണോ അത്രത്തോളം സോഫ്റ്റായിരിക്കും ഇഡ്ഡലി. മാവ് അരയ്ക്കുമ്പോള് രുചി അനുസരിച്ച് അല്പം തെെര് ചേർക്കാം. ശേഷം മാവ് പുളിക്കാൻ മാറ്റിവയ്ക്കുക. മാവിലേക്ക് തെെര് ചേർക്കുമ്ബോള് ഫെർമന്റേഷൻ പ്രക്രിയ സുഗമമാകുന്നു.
