കല്പ്പറ്റ:വയനാട് ഡിസിസി ട്രഷറര് എൻഎം വിജയന്റെയും മകന്റെയും മരണത്തില് വിവാദം കനക്കുന്നു.
സുല്ത്താൻ ബത്തേരി എംഎല്എ ഐസി ബാലകൃഷ്ണന്റെ രാജി ആവശ്യം ശക്തമാക്കി സിപിഎം.
ഐസി ബാലകൃഷ്ണൻ എംഎല്എ സ്ഥാനം രാജിവെക്കണം എന്നും സമഗ്ര അന്വേഷണം വേണമെന്നും ആവശ്യപ്പെട്ട് ബത്തേരിയിലെ എംഎല്എ ഓഫീസിലേക്ക് സിപിഎം നാളെ മാർച്ച് നടത്തും.
അതേസമയം അടിസ്ഥാനരഹിതമായ ആരോപണവും വ്യാജ രേഖയും തനിക്കെതിരെ പ്രചരിപ്പിക്കുകയാണെന്ന് ആരോപിച്ച് എസ് പിക്ക് പരാതി നല്കാനൊരുങ്ങുകയാണ് ഐസി ബാലകൃഷ്ണൻ.
അർബൻ ബാങ്ക് നിയമന തട്ടിപ്പുമായി വിജയന്റെയും മകന്റെയും മരണത്തിന് ബന്ധമുണ്ടെന്നാണ് സി.പി.എമ്മിന്റെ ആരോപണം.
നിയമനം ആവശ്യപ്പെട്ട് തന്നെ ആരും സമീപിച്ചിട്ടില്ലെന്നാണ് എംഎല്എയുടെ വിശദീകരണം. എൻഎം വിജയന്റെ ഫോണ് കോള് രേഖകള് അടക്കം പരിശോധിക്കണമെന്നും ആത്മഹത്യയുടെ കാരണം കണ്ടെത്തണമെന്നും ഐസി ബാലകൃഷ്ണൻ ആവശ്യപ്പെട്ടു. താൻ ഡിസിസി പ്രസിഡന്റായിരുന്നപ്പോള് ഉയര്ന്ന നിയമന വിവാദം പാര്ട്ടി അന്വേഷിച്ചിരുന്നു. അടിസ്ഥാന രഹിതമായ പ്രചാരണമാണെന്നാണ് അന്ന് കണ്ടെത്തിയത്.
