തിരുവനന്തപുരം: മലയാള സിനിമാരംഗവുമായി ചുറ്റിപ്പറ്റി ഇപ്പോള് അസ്വാരസ്യം നിറഞ്ഞ ഒരേയൊരു ചോദ്യമാണ് ഉയരുന്നത്. അന്തരിച്ച നടന് തിലകന്റെ മകള്ക്ക് മോശം അനുഭവം സമ്മാനിച്ച ആ പ്രമുഖ നടന് ആരാണ്?
സിനിമാരംഗത്തെ ലൈംഗിക ചൂഷണത്തെക്കുറിച്ചുള്ള വെളിപ്പെടുത്തലുകള് നിറഞ്ഞ ഹേമ കമ്മിറ്റി റിപ്പോര്ട്ട് പുറത്തുവന്നതോടെ ഇത്തരം ദുരനുഭവങ്ങള് ഏറ്റു പറയാന് മലയാള സിനിമാരംഗത്തെ കൂടുതല് പേര് മുന്നോട്ട് വരികയാണെന്ന് ചൊവ്വാഴ്ച തിലകന്റെ മകള് സോണിയാ തിലകന്റെ വെളിപ്പെടുത്തലിൽ വ്യക്തമാണ്.
മലയാളത്തിലെ ഒരു പ്രമുഖ നടനില് നിന്നുള്ള പീഡനോദ്ദേശ്യം നിറഞ്ഞ ക്ഷണവും അതേ തുടര്ന്ന് മുറി സന്ദര്ശിച്ച തനിക്ക് മോശം അനുഭവമുണ്ടായതും സോണിയ തിലകന് ചൊവ്വാഴ്ച മാധ്യമങ്ങളോട് വെളിപ്പെടുത്തി. ഇത്തരം കൂടുതല് വെളിപ്പെടുത്തലുകളുടെ കോളിളക്കം സൃഷ്ടിക്കുമെന്നാണ് സിനിമാരംഗത്തെ പലരും പറയുന്നത്. വലിയ സൂപ്പര് സ്റ്റാറുകളുടെ തല ഉരുണ്ടേക്കാം. പ്രതിച്ഛായ തകര്ക്കപ്പട്ടേയ്ക്കാം.
“ഈ പ്രമുഖ നടന് തന്നോട് റൂമിലേക്ക് വരനായി ഫോണില് സന്ദേശമയക്കുകയായിരുന്നു. മോള് എന്ന് വിളിച്ചാണ് റൂമിലേക്ക് ക്ഷണിച്ചതെന്നും പിന്നീട് മോശം അനുഭവമാണ് ഉണ്ടായത് “- അന്തരിച്ച നടന് തിലകന്റെ മകള് സോണിയ തിലകന് പറഞ്ഞു.
തന്റെ പിതാവിനെ വേട്ടയാടിയ ഏതാനും പ്രധാന നടന്മാരെയാണ് സോണിയാ തിലകന് ലാക്കാക്കുന്നതെന്ന് കരുതുന്നു. പിന്നില് തിലകനെതിരെ സംഘടിതാക്രമണം നടത്തിയ അമ്മ എന്ന താരസംഘടനയുടെ പ്രമുഖ നടന്മാരാണെന്ന് വേണം കരുതാന്.
അത് ആരാണ്? തിലകന്റെ മകളെ പീഡിപ്പിച്ച ക്രൂരനായ ആ വില്ലന് താരം? ചോദ്യങ്ങള് പെരുക്കുകയാണ്. “. അമ്മ എന്ന സംഘടന കോടാലി ആണെന്ന് അച്ഛൻ പറഞ്ഞിരുന്നു. തന്റെ അനുഭവവും അതാണ്”- സോണിയയുടെ ഈ വെളിപ്പെടുത്തല് അമ്മ എന്ന താരസംഘടനയുടെ വേരുകളില് പതിക്കുന്ന കോടാലി തന്നെയായി മാറുകയാണ്.
