കോട്ടയം: അപ്പത്തിനും ഇടിയപ്പത്തിനും ചപ്പാത്തിക്കും പൂരിക്കുമെല്ലാമൊപ്പം കഴിക്കാവുന്ന ഒരു റെസിപ്പി നോക്കിയാലോ?
നമ്മള് സാധാരണ തയ്യാറാക്കുന്ന കറിയാണ് മുട്ട കുറുമ കറി. ഇതാ ഒരു നാടൻ മുട്ടക്കറിയുടെ റെസിപ്പി.
ആവശ്യമായ ചേരുവകള്
മുട്ട -നാല്
ക്യാരറ്റ് -ഒന്ന്
സവാള -ഒന്ന്
ഉരുളക്കിഴങ്ങ് -ഒന്ന്
ബീൻസ്
വെള്ളം
കറിവേപ്പില
ഉപ്പ്
തേങ്ങയുടെ രണ്ടാം പാല്
കട്ടിയുള്ള തേങ്ങാപ്പാല്
വെളിച്ചെണ്ണ
മസാലകള്
ഇഞ്ചി വെളുത്തുള്ളി ചതച്ചത്
സവാള ഒന്ന്
പെരുംജീരകം പൊടിച്ചത് -ഒന്നര ടീസ്പൂണ്
ഗരം മസാല -അര ടീസ്പൂണ്
കുരുമുളകുപൊടി -ഒരു ടീസ്പൂണ്
തയ്യാറാക്കുന്ന വിധം
മുട്ട വേവിച്ചെടുത്ത് തൊലി കളഞ്ഞതിനുശേഷം മാറ്റിവയ്ക്കുക. ഒരു കുക്കറില് അരിഞ്ഞെടുത്ത പച്ചക്കറികള് ചേർത്ത് രണ്ടാം പാലും ഉപ്പും കറിവേപ്പിലയും ചേർത്ത് വേവിക്കുക. വെന്തതിനുശേഷം ഒരു പാൻ വെളിച്ചെണ്ണ ഒഴിച്ച് ചൂടാക്കണം. ഇതിലേക്ക് ആദ്യം മസാലകളും പിന്നെ ഇഞ്ചി വെളുത്തുള്ളി ചതച്ചതും പിന്നീട് സവാളയും ചേർത്ത് നന്നായി വഴറ്റണം. അടുത്തതായി വേവിച്ചു വച്ചിരിക്കുന്ന പച്ചക്കറികള് ചേർക്കാം. ഇത് നന്നായി തിളയ്ക്കുമ്ബോള് മുട്ടയും ഒന്നാം പാലും ചേർത്ത് ഒന്നുകൂടി തിളപ്പിച്ച് ഓഫ് ചെയ്യാം. അവസാനമായി കറിവേപ്പില കുറച്ച് ചേർക്കണം.
