കോട്ടയം: ഇഡ്ഡലിക്കും ദോശയ്ക്കുമെല്ലാം കൂടെ കഴിക്കാൻ തക്കാളി ചട്ണി ഇനി ഇതുപോലെ തയ്യാറാക്കിക്കോളൂ… കിടിലൻ സ്വാദാണ്. റെസിപ്പി നോക്കാം.
ആവശ്യമായ ചേരുവകള്
തക്കാളി അരിഞ്ഞത് – 2 വലുത്
സവാള അരിഞ്ഞത് – 1 ചെറുത്
പച്ചമുളക് അരിഞ്ഞത് – 2 എണ്ണം
വെളുത്തുള്ളി അരിഞ്ഞത് – 3 എണ്ണം
മുളകുപൊടി – 1 ടേബിള് സ്പൂണ്
കായപ്പൊടി – കാല് ടീസ്പൂണ്
പഞ്ചസാര – കാല് ടീസ്പൂണ്
കറിവേപ്പില – ആവശ്യത്തിന്
തയാറാക്കുന്ന വിധം
ഒരു ഫ്രൈയിങ് പാൻ അടുപ്പില് വയ്ക്കുക. അതിലേക്ക് മൂന്ന് ടേബിള് സ്പൂണ് എണ്ണ ഒഴിക്കുക.
എണ്ണ ചൂടാകുമ്പോള് അരിഞ്ഞു വച്ചിരിക്കുന്ന തക്കാളി, സവാള, പച്ചമുളക്, വെളുത്തുള്ളി എന്നിവ ചേർത്ത് കൊടുക്കുക. ഇതിലേക്ക് കാല് ടേബിള് സ്പൂണ് ഉപ്പ് ചേർത്ത് നന്നായി ഇളക്കി കൊടുക്കാം. എല്ലാം നന്നായി വഴന്നു വരുന്നതുവരെ മൂടിവച്ച് വേവിച്ചെടുക്കാം.
ഇനി ഇതിലേക്ക് മുളകുപൊടി, കായപ്പൊടി ,പഞ്ചസാര എന്നിവ ചേർത്ത് പച്ചമണം മാറുന്നതുവരെ ഇളക്കി കൊടുക്കാം. അടുപ്പില് നിന്നും മാറ്റി ചൂടാറി വരുമ്പോള് മിക്സിയിലിട്ട് നന്നായി അരച്ചെടുക്കുക. ഒരു പാൻ അടുപ്പില് വച്ച് കടുക് താളിച്ച് അതിലേക്ക് അരച്ച ചട്നി ഇട്ടു നന്നായി എണ്ണ തെളിയുന്നതുവരെ ഇളക്കി കൊടുക്കാം. തക്കാളി ചട്ണി റെഡി.
