തിരുവനന്തപുരം: കേരളത്തില് അടുത്ത അഞ്ചുദിവസം ഇടിമിന്നലോടുകൂടിയ മഴയ്ക്ക് സാദ്ധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു.
തെക്ക് കിഴക്കൻ ബംഗാള് ഉള്ക്കടലിനുമുകളില് രൂപപ്പെട്ട ന്യൂനമർദ്ദം ശക്തികൂടിയ ന്യൂനമർദ്ദമായി മാറി. നവംബർ 25ഓടെ തെക്കൻ ബംഗാള് ഉള്ക്കടലിനുമുകളിലെത്തി തീവ്രന്യൂനമർദ്ദമായി ശക്തി പ്രാപിച്ച് തുടർന്നുള്ള രണ്ട് ദിവസങ്ങളില് തമിഴ് നാട് -ശ്രീലങ്ക തീരത്തേക്ക് നീങ്ങാൻ സാദ്ധ്യതയുണ്ട്.
ഇക്കാരണത്താലാണ് കേരളത്തില് മഴ ശക്തമാകുന്നതെന്നാണ് കാലാവസ്ഥാ വകുപ്പ് പറയുന്നത്.
ഒറ്റപ്പെട്ട സ്ഥലങ്ങളില് നവംബർ 27, 28 തീയതികളില് ശക്തമായ മഴയ്ക്ക് സാദ്ധ്യതയുണ്ടെന്നും അറിയിപ്പുണ്ട്.
ഈ തീയതികളില് വിവിധ ജില്ലകളില് കേന്ദ്ര കാലാവസ്ഥ വകുപ്പ് മഞ്ഞ അലർട്ട് പ്രഖ്യാപിച്ചിട്ടുണ്ട്.
