കൊച്ചി: പപ്പടം പൊരിക്കാൻ എണ്ണ നിർബന്ധമാണെന്ന് അറിയാത്തവരായി ആരുമുണ്ടാകില്ല.
എന്നാല് എണ്ണയില്ലാതെയും പപ്പടം വറുക്കാമെന്ന് പറഞ്ഞാലോ?
തമാശയാണെന്ന് ആദ്യം തോന്നിയേക്കാം. എന്നാല് സംഭവം ഉള്ളതാണ്.
ചൂടുള്ള എണ്ണയില് വറുത്തെടുക്കുന്ന പപ്പടത്തിന്റെ രുചി വേറെയൊന്ന് തന്നെയാണ്. ഇങ്ങനെ വറുത്തെടുക്കുന്ന പപ്പടം കൊളസ്ട്രോള് രോഗികളുടെ സ്വപ്നമാണ്.
എന്നാല് അത്തരക്കാർക്കും ഇനി പപ്പടം കഴിക്കാം. കുക്കറാണ് എണ്ണയില്ലാതെ പപ്പടം വറുക്കുന്നതിലെ താരം. എങ്ങനെയാണ് എണ്ണയില്ലാതെ പപ്പടം കാച്ചുന്നതെന്ന് നോക്കാം..
കുക്കർ നന്നായി ചൂടാക്കുകയാണ് ആദ്യം ചെയ്യേണ്ടത്. അതിലേക്ക് പപ്പടം മുറിച്ചിടണം. ശേഷം തവി കൊണ്ട് നന്നായി ഇളക്കുക. രണ്ടോ മൂന്നോ മിനിറ്റ് ഇങ്ങനെ ചെയ്താല് സംഭവം റെഡി.
വളരെ ചുരുങ്ങിയ സമയത്തിനുള്ളില് തന്നെ പപ്പടം വറുത്തെടുക്കാൻ സാധിക്കുന്നു. എണ്ണയില്ലാത്തതില് തന്നെ ആരോഗ്യത്തിനും ഗുണം ചെയ്യുന്നു.
