ചേർത്തല: ആലപ്പുഴയിൽ ചേര്ത്തല താലൂക്കിലെ പെരുമ്പളം എല്.പി സ്കൂളിലെ അഞ്ചു കട്ടികള്ക്ക് മുണ്ടിനീര് ബാധിച്ചിട്ടുള്ളതിനാല് സ്കൂളിന് ജനുവരി ഒമ്പതു മുതല് 21 ദിവസത്തേക്ക് അവധി നല്കി ജില്ലാ കളക്ടര് ഉത്തരവിട്ടു.
മുണ്ടിനീരിന്റെ ഇന്ക്യുബേഷന് പിരീഡ് 21 ദിവസം വരെ ആയതിനാല് കൂടുതല് വിദ്യാര്ത്ഥികള്ക്ക് രോഗം പടര്ന്നു പിടിക്കുന്നത് ഒഴിവാക്കാനാണ് നടപടി.
സ്കൂളിന് 21 ദിവസത്തേയ്ക്ക് അവധി നല്കണമെന്ന് ജില്ലാ മെഡിക്കല് ഓഫീസര് അഭ്യര്ത്ഥിച്ചത് പ്രകാരമാണ് അവധി നല്കാന് ജില്ലാ വിദ്യാഭ്യാസ ഉപഡയറക്ടറെ ചുമതലപ്പെടുത്തി കളക്ടര് ഉത്തരവിട്ടത്.
വിദ്യാലയങ്ങളില് മുണ്ടിനീര് പടര്ന്നു പിടിക്കാതിരിക്കുന്നതിനുള്ള മുന്കരുതല് നടപടികള് ആരോഗ്യ തദ്ദേശ സ്വയംഭരണ വകുപ്പുകളുമായി ചേര്ന്ന് നടത്തണമെന്ന് കളക്ടർ ഉത്തരവില് നിര്ദ്ദേശിച്ചു.
