കൊച്ചി: രഞ്ജി ട്രോഫിയില് കേരളം ഫൈനല്സിലേക്ക് കടക്കാന് കാരണമായത് അവസാന നിമിഷത്തെ ക്യാച്ചായിരുന്നു.
വളരെ പ്രത്യേകതയുള്ള ക്യാച്ചായിരുന്നു അത്.
ആനന്ദ് സര്വാതെ എറിഞ്ഞ പന്ത് ഗുജറാത്ത് ബാറ്റര് നഗസ് വാലയുടെ ഷോട്ട് സല്മാന് നിസാറിന്റെ ഹെല്മറ്റില് തട്ടിയാണ് ക്യാപ്റ്റന് സച്ചിന് ബേബിയുടെ കൈകളില് എത്തിയത്. ഇപ്പോള് ഈ വീഡിയോ പങ്കുവെച്ച് കേരള പോലീസിന്റെ പോസ്റ്റാണ് വൈറലായിരിക്കുന്നത്.
‘ഹെല്മറ്റ് ഉണ്ടെങ്കില് കളിയും ജീവനും രക്ഷിക്കാം, ഫീല്ഡിലായാലും റോഡിലായാലും ഹെല്മറ്റ് നിര്ബന്ധം’ എന്നായിരുന്നു ഈ ദൃശ്യങ്ങള് പങ്കുവെച്ചുകൊണ്ട് കേരള പോലീസ് ഫേസ്ബുക്കില് കുറിച്ചത്. ഒരു ലക്ഷം പേരാണ് ഈ പോസ്റ്റ് ഇതിനോടകം കണ്ടത്.
