നോമ്പിന് ഉഗ്രൻ സ്വാദില്‍ തയ്യാറാക്കാം ഇറച്ചി പത്തില്‍; ഒരു മലബാർ സ്പെഷ്യല്‍ സ്നാക്ക് റെസിപ്പി ഇതാ

കോട്ടയം: നോമ്പിന് ഉഗ്രൻ സ്വാദില്‍ തയ്യാറാക്കാം ഇറച്ചി പത്തില്‍. ഒരു മലബാർ സ്പെഷ്യല്‍ സ്നാക്ക് റെസിപ്പിയാണിത്. ചിക്കനും, ബീഫും, പച്ചക്കറികളുമൊക്കെ ചേർത്ത് ഇത് തയ്യാറാക്കാം.

റെസിപ്പി നോക്കിയാലോ?

ആവശ്യമായ ചേരുവകള്‍

ഗോതമ്പുപൊടി- 1 കപ്പ്
മൈദ- 1 കപ്പ്
ഉപ്പ്- ആവശ്യത്തിന്
വെള്ളം- ആവശ്യത്തിന്
ബീഫ്- 1/2 കിലോ
കാശ്മീരിമുളകുപൊടി- 1 ടേബിള്‍സ്പൂണ്‍
മല്ലിപ്പൊടി- 1 ടേബിള്‍സ്പൂണ്‍
സവാള- 7
പച്ചമുളക്- 6
വെളുത്തുള്ളി- 12
ഇഞ്ചി- ചെറിയ കഷ്ണം
കറിവേപ്പില- 1 പിടി
ഗരംമസാല- 1/2 ടീസ്പൂണ്‍
കുരുമുളകുപൊടി- 1/4ടീസ്പൂണ്‍
മല്ലിയില
വെളിച്ചെണ്ണ
തയ്യാറാക്കുന്ന വിധം

ഒരു കപ്പ് മൈദയിലേയ്ക്ക് ഗോതമ്പ് പൊടിയും ആവശ്യത്തിന് ഉപ്പും വെള്ളവും ചേർത്തിളക്കി മാവ് തയ്യാറാക്കാം. അതില്‍ നിന്നും അല്‍പം വീതം എടുത്ത ചെറിയ ഉരുളകളാക്കി മാറ്റി വയ്ക്കാം. അര കിലോ ബീഫ് കഷ്ണങ്ങളാക്കിയതിലേയ്ക്ക് ഒരു ടേബിള്‍സ്പൂണ്‍ മുളകുപൊടിയും കാല്‍ ടീസ്പൂണ്‍ മഞ്ഞള്‍ പൊടിയും ഒരു ടേബിള്‍ സ്പൂണ്‍ മല്ലിപ്പൊടിയും ആവശ്യത്തിന് ഉപ്പും കുറച്ചു വെള്ളവും ചേർത്ത് നന്നായി വേവിച്ചുവെയ്ക്കാം.

ഒരു പാത്രത്തിലേയ്ക്ക് കുറച്ച്‌ വെളിച്ചെണ്ണ ഒഴിച്ച്‌ സവാളയും, ഉപ്പും, കറിവേപ്പിലയും ഇട്ടു നന്നായി വഴറ്റാം. അതിലേക്ക് ഇഞ്ചി വെളുത്തുള്ളി പച്ചമുളക് ചതച്ചതും ചേർത്തുകൊടുത്ത് നന്നായി വഴറ്റി വേവിച്ചുവെച്ച ബീഫ് ചേർത്ത് കുറച്ച്‌ ഗരം മസാലയും കുരുമുളകുപൊടിയും മല്ലിയിലയും ചേർത്തു നന്നായി യോജിപ്പിച്ച്‌ മാറ്റിവെക്കാം. കുഴച്ചുവെച്ച മാവ് ചപ്പാത്തിയുടെ വലിപ്പത്തില്‍ പരത്തിയെടുത്ത് രണ്ട് സൈഡിലായി കുറച്ചു മസാല വെച്ച്‌ അടച്ച്‌ സൈഡ് എല്ലാം നന്നായി ഒട്ടിച്ച്‌ കൊണ്ട് മുറിച്ചെടുക്കാം. നന്നായി തിളച്ചുവന്ന എണ്ണയിലേക്ക് ഇട്ടുകൊടുത്ത് രണ്ടുവശവും പൊരിച്ചെടുത്ത് കോരി മാറ്റാം.