കോട്ടയം: മാറിവരുന്ന കാലാവസ്ഥയും തിരക്കേറിയ ജീവിതശൈലിയും കാരണം ധാരാളം പ്രശ്നങ്ങള് അനുഭവിക്കുന്നവരാകും നിങ്ങള്. പ്രത്യേകിച്ച് മുടിയുടെ കാര്യത്തില്.
എത്ര ശ്രദ്ധിച്ചാലും വരള്ച്ചയും അകാലനരയും ഉണ്ടാവുന്നു. ഇത് പരിഹരിക്കാൻ പല തരത്തിലുള്ള നാച്വറല് വഴികളും മാർക്കറ്റില് ലഭിക്കുന്ന ഡൈകളും ഉപയോഗിക്കുന്നുണ്ടാവും നിങ്ങള്. ഇതെല്ലാം പരീക്ഷിച്ചിട്ടും വളരെപ്പെട്ടെന്ന് നര വീണ്ടും വരുന്നു എന്ന പ്രശ്നം ഭൂരിഭാഗംപേരെയും അലട്ടുന്നുണ്ട്.
എന്നാല്, ഇനി അങ്ങനെ സംഭവിക്കില്ല. വെറും ഒറ്റത്തവണത്തെ ഉപയോഗത്തിലൂടെ മാസങ്ങളോളം മുടി കട്ടക്കറുപ്പാക്കാൻ കഴിയുന്ന ഒരു ഹെയർ ഡൈ പരിചയപ്പെടാം. ഇതിന് ആവശ്യമായ സാധനങ്ങള് എന്തൊക്കെയാണെന്നും എങ്ങനെയാണ് തയ്യാറാക്കേണ്ടതെന്നും നോക്കാം. ഇതേ രീതിയില് കൃത്യമായി ചെയ്താല് ശരിയായ ഫലം ലഭിക്കുന്നതാണ്.
ആവശ്യമായ സാധനങ്ങള്
ചകിരി പൊടിച്ചത് – 2 ടേബിള്സ്പൂണ്
താളിപ്പൊടി – 2 ടേബിള്സ്പൂണ്
നെല്ലിക്കപ്പൊടി – 2 ടേബിള്സ്പൂണ്
തേയില തിളപ്പിച്ച വെള്ളം – ആവശ്യത്തിന്
തയ്യാറാക്കുന്ന വിധം
ഒരു ഇരുമ്ബ് ചീനച്ചട്ടിയില് ചെറുതായി അരിഞ്ഞെടുത്ത ഉണക്കച്ചകിരി ഇട്ട് ചൂടാക്കി കരിച്ചെടുക്കുക. തണുക്കുമ്ബോള് ഇതിനെ പൊടിച്ച് അരിച്ചെടുക്കണം. ശേഷം അതേ ഇരുമ്ബ് ചീനച്ചട്ടിയിലേക്ക് 2 ടേബിള്സ്പൂണ് ചകിരി കരിച്ച പൊടി, താളിപ്പൊടി, നെല്ലിക്കപ്പൊടി എന്നിവ ചേർക്ക് തേയില തിളപ്പിച്ച വെള്ളം കൂടി ചേർത്ത് യോജിപ്പിച്ച് ഡൈ രൂപത്തിലാക്കി എട്ട് മണിക്കൂർ അടച്ച് വയ്ക്കുക. ശേഷം ഉപയോഗിക്കാവുന്നതാണ്.
ഉപയോഗിക്കേണ്ട വിധം
നന്നായി കഴുകി വൃത്തിയാക്കി ഉണക്കിയ മുടിയിലേക്ക് ഡൈ പുരട്ടിക്കൊടുക്കുക. ഒന്നോ രണ്ടോ മണിക്കൂർ വച്ചശേഷം കഴുകി കളയാവുന്നതാണ്.
