കൊച്ചി: പ്രമുഖ നിര്മാതാക്കള്ക്കെതിരെ വനിതാ നിര്മാതാവിൻ്റെ പരാതി
എറണാകുളം സെൻട്രല് പോലീസാണ് കേസെടുത്തത്. ഹേമാ കമ്മറ്റി റിപ്പോർട്ട് വന്നതിന് പിന്നാലെ രൂപീകരിച്ച പ്രത്യേക അന്വേഷണ സംഘമാണ് കേസ് അന്വേഷിക്കുക.
സിനിമാ മേഖലയില് നിന്നുണ്ടായ തൊഴില് ചൂഷണം, ദുരനുഭവങ്ങള് എന്നിവയുമായി ബന്ധപ്പെട്ട് പ്രൊഡ്യൂസേഴ്സ് അസോസിയേഷന് വനിതാ നിർമാതാവ് പരാതി നല്കിയിരുന്നു. എന്നാല് അസോസിയേഷൻ പരാതി പരിഗണിക്കുന്നതിന് പകരം വിളിച്ചുവരുത്തി അപമാനിച്ചുവെന്നും മാനസികമായി പീഡിപ്പിച്ചുവെന്നും പരാതിയില് ആരോപിക്കുന്നു.
ആന്റോ ജോസഫ്, അനില് തോമസ്, ബി രാഗേഷ്, ലിസ്റ്റിൻ സ്റ്റീഫൻ എന്നിവർ ഉള്പ്പടെയുള്ള അസോസിയേഷൻ ഭാരവാഹികള്ക്കെതിരെയാണ് കേസ് നല്കിയത്. ഒൻപത് പേർക്കെതിരെയാണ് കേസെടുത്തിരിക്കുന്നത്.
