തിരുവനന്തപുരം: സംസ്ഥാനത്തെ 653 ആരോഗ്യ സ്ഥാപനങ്ങളില് ഇ ഹെല്ത്ത് സംവിധാനം സജ്ജമായതായി ആരോഗ്യ വകുപ്പ് മന്ത്രി വീണാ ജോർജ്.
അതില് 428 ആശുപത്രികളിലും ഇ ഹെല്ത്ത് സംവിധാനം സജ്ജമാക്കിയത് ഈ സർക്കാരിന്റെ കാലത്താണ്. മെഡിക്കല് കോളേജുകളിലെ 17 സ്ഥാപനങ്ങള് കൂടാതെ 22 ജില്ല/ജനറല് ആശുപത്രികള്, 26 താലൂക്ക് ആശുപത്രികള്, 36 സാമൂഹികാരോഗ്യ കേന്ദ്രങ്ങള്, 487 കുടുംബാരോഗ്യ കേന്ദ്രങ്ങള്, 50 നഗര കുടുംബാരോഗ്യ കേന്ദ്രങ്ങള്, 10 സ്പെഷ്യാലിറ്റി ആശുപത്രികള്, 2 പബ്ലിക് ഹെല്ത്ത് ലാബുകള്, 3 മറ്റ് ആരോഗ്യ കേന്ദ്രങ്ങള് എന്നിവിടങ്ങളിലാണ് ഇ ഹെല്ത്ത് നടപ്പിലാക്കിയത്.
80 താലൂക്ക്, ജില്ല, ജനറല് ആശുപത്രികളില് കൂടി ഇ ഹെല്ത്ത് സംവിധാനം വഴി ഓണ്ലൈൻ അപ്പോയ്മെന്റ് എടുക്കുവാനുള്ള സംവിധാനം അന്തിമ ഘട്ടത്തിലാണ്. മുഴുവഴൻ ആശുപത്രികളും ഇ ഹെല്ത്ത് സംവിധാനം നടപ്പിലാക്കുകയാണ് ലക്ഷ്യമെന്നും മന്ത്രി വ്യക്തമാക്കി.
