ഇടുക്കി: ഇടുക്കി മൂന്നാറിൽ വീണ്ടും കാട്ടാന ആക്രമണം. പ്രദേശവാസിയായ പുണ്യവേലിൻ്റെ പലചരക്ക് കടക്ക് നേരെയാണ് ആക്രമണം ഉണ്ടായത്.
വാതിൽ തകർത്ത കാട്ടാന കടയില് സൂക്ഷിച്ചിരുന്ന സാധനങ്ങള് കഴിക്കുന്നത് പതിവായിരുന്നു. ഇത്തവണ ശബ്ദം കേട്ട് എഴുന്നേറ്റ പ്രദേശാവാസികള് ആനയെ തുരത്തിയോടിക്കുകയായിരുന്നു. നിലവില് ആനകള് കാട്ടിലേക്ക് നീങ്ങിയിട്ടുണ്ട്.
തിരികെ വരാതിരിക്കാന് ശ്രദ്ധിക്കുമെന്നാണ് വനംവകുപ്പ് അറിയിക്കുന്നത്. ഇരുപതിലധികം തവണയാണ് കാട്ടാന കട ആക്രമിച്ചതെന്നും പലപ്പോഴും നഷ്ടപരിഹാരം നല്കാന് വനംവകുപ്പ് തയ്യാറായിട്ടില്ലെന്നും പുണ്യവേല് പറയുന്നു.
അഞ്ചോളം ആനകൾ ഉൾപ്പെട്ട സംഘമാണ് ജനവാസ മേഖലയിൽ എത്തിയത്. അഞ്ച് ആനകളാണ് പ്രദേശത്ത് തമ്പടിച്ചിരിക്കുന്നത്.
