കോട്ടയം: വയനാടിന്റെ വിവിധ ഭാഗങ്ങളിലുണ്ടായ പ്രകൃതിദുരന്തത്തില് ദുരിതമനുഭവിക്കുന്നവര്ക്കു സുസ്ഥിര പുനരധിവാസം സാധ്യമാക്കുവാനുള്ള കേരള കത്തോലിക്കാ സഭയുടെ തീരുമാനങ്ങൾക്ക് പിന്തുണയുമായി ക്നാനായ കത്തോലിക്കാ കോണ്ഗ്രസ്.
കത്തോലിക്കാ സഭയുടെ പ്രവര്ത്തനങ്ങളോടു ചേര്ന്ന് ഊര്ജിതമായി പ്രവര്ത്തിക്കുവാന് കത്തോലിക്കാ കോണ്ഗ്രസിൽ തീരുമാനം. ദുരിതബാധിതര്ക്ക് സഹായമെത്തിക്കാനായി അതിരൂപതയുടെ നേതൃത്വത്തില് ഇടവകകളില് നടത്തുന്ന സാമ്പത്തിക സമാഹരണത്തില് കെസിസി അംഗങ്ങള് സജീവമായി പങ്കെടുക്കും.
വയനാട്ടിലെ പെരിക്കല്ലൂര് ഫൊറോനയിലെ കെസിസി യൂണിറ്റുകളിലൂടെ സാധ്യമായ എല്ലാ സഹായവും ലഭ്യമാക്കുമെന്നും എക്സിക്യൂട്ടീവ് യോഗം അറിയിച്ചു.
ചാപ്ലെയിന് ഫാ. മൈക്കിള് വെട്ടിക്കാട്ട്, ജനറല് സെക്രട്ടറി ബേബി മുളവേലിപ്പുറം, ട്രഷറര് ജോണ് തെരുവത്ത്, അതിരൂപത ഭാരവാഹികളായ ബിനു ചെങ്ങളം, ടോം കരികുളം തുടങ്ങിയവര് പങ്കെടുത്തു.
