തിരുവനന്തപുരം: കേരളത്തില് പുതുതായി അഞ്ച് ജില്ലകള്ക്കെങ്കിലും സ്കോപ്പുണ്ടെന്ന് കോണ്ഗ്രസ് നേതാവ് വി ടി ബല്റാം.ഫേസ്ബുക്ക് പോസ്റ്റിലൂടെയാണ് പ്രതികരണം.
കുറിപ്പിന്റെ പൂർണരൂപം ഇങ്ങനെ:-
കേരളത്തിലെ ജില്ലകളെ പുന:ക്രമീകരിക്കുന്നതിനെക്കുറിച്ചുള്ള ചർച്ചകള് സ്വാഗതാർഹമാണ്. ഒരു കേരളീയൻ എന്ന നിലയില് ഇക്കാര്യത്തില് എന്റെ വ്യക്തിപരമായ ഒരു നിരീക്ഷണം പങ്കുവയ്ക്കട്ടെ. ഇതെന്റെ പാർട്ടിയുടെയോ മുന്നണിയുടെയോ ഔദ്യോഗിക അഭിപ്രായമല്ല എന്നും എന്റെ തന്നെ സുചിന്തിതമായ അന്തിമാഭിപ്രായമല്ല എന്നും മുൻകൂട്ടി വ്യക്തമാക്കുന്നു.
കേരളത്തില് പുതുതായി അഞ്ച് ജില്ലകള്ക്കെങ്കിലും സ്കോപ്പുണ്ട്:
1) ഇപ്പോഴത്തെ തിരുവനന്തപുരം, കൊല്ലം ജില്ലകളെ പുന:ക്രമീകരിച്ച് ഒരു പുതിയ ജില്ല കൂടി ആവാം.
2) എറണാകുളം, തൃശൂർ ജില്ലകളുടെ ഭാഗങ്ങള് ഉള്പ്പെടുത്തി ഒരു പുതിയ ജില്ല കൂടി ആവാം.
3) മലപ്പുറം, പാലക്കാട്, തൃശൂർ ജില്ലകളുടെ ഭാഗങ്ങള് ഉള്പ്പെടുത്തി രണ്ട് പുതിയ ജില്ലകള്ക്ക് കൂടി സാദ്ധ്യതയുണ്ട്. മൂന്ന് ജില്ലകളെ അഞ്ചാക്കാം.
4) കോഴിക്കോട്, കണ്ണൂർ ജില്ലകള്ക്കിടയില് ഒരു പുതിയ ജില്ല കൂടി ആവാം.
