വന്ധ്യത പ്രശ്നം നേരിടുന്നവരുടെ എണ്ണം ദിനംപ്രതി കൂടിവരികയാണ്. ഭാരക്കുറവ്, അമിതഭാരം, അനാരോഗ്യകരമായ ഭക്ഷണക്രമം, പുകവലി, മദ്യപാനം,വ്യായാമമില്ലായ്മ തുടങ്ങിയവ പ്രത്യുല്പാദനക്ഷമതയെബാധിക്കാം.പ്രത്യുല്പാദനക്ഷമതയെ ബാധിക്കുന്ന മറ്റൊരു കാരണമാണ് ഉറക്കക്കുറവ്.’ ഉറക്കക്കുറവ് പലപ്പോഴും സമ്മര്ദ്ദ ഉത്കണ്ഠയുമായും വന്ധ്യതയുമായും ബന്ധപ്പെട്ടിരിക്കുന്നു. വേണ്ടത്ര ഉറക്കം ലഭിക്കാത്തതിനാല് സ്ത്രീകള്ക്കും പുരുഷന്മാര്ക്കും അവരുടെ പ്രത്യുത്പാദനക്ഷമതയെ ബാധിക്കാം.
ആവശ്യത്തിന് ഉറക്കം ലഭിക്കാത്തത് ഹോര്മോണുകളുടെ ഉത്പാദനത്തെയും സമ്മര്ദ്ദത്തോടുള്ള ശരീരത്തിന്റെ പ്രതികരണത്തെയും തടസ്സപ്പെടുത്തും…’ – നവി മുംബൈയിലെ ഖാര്ഘറിലെ മദര്ഹുഡ് ഫെര്ട്ടിലിറ്റിയിലെയും ഐവിഎഫിലെയും കണ്സള്ട്ടന്റ് ഫെര്ട്ടിലിറ്റിയും ഐവിഎഫ് വിദഗ്ധയുമായ ഡോ ശ്രുതി എൻ മാനെ പറഞ്ഞു.
ആര്ത്തവ ക്രമക്കേടുകള്, ഡിസ്മനോറിയ, ഗര്ഭധാരണവുമായി ബന്ധപ്പെട്ട പ്രശ്നങ്ങള്, ഗര്ഭം അലസാനുള്ള സാധ്യത, കുറഞ്ഞ ഭാരമുള്ള കുഞ്ഞുങ്ങള് എന്നിവയാണ് കൂടുതലായി കണ്ട് വരുന്ന പ്രതികൂല പ്രത്യുല്പാദന ആരോഗ്യ പ്രശ്നങ്ങള്. ഉറക്കമില്ലായ്മ പ്രത്യുല്പാദനത്തെ മാത്രമല്ല പ്രമേഹം, പൊണ്ണത്തടി തുടങ്ങിയവയ്ക്കുള്ള സാധ്യതയും വര്ദ്ധിപ്പിക്കുന്നു.
ഉറക്കമില്ലായ്മ പ്രത്യുല്പാദനക്ഷമതയെ ബാധിക്കുകയും ആര്ത്തവം, ഗര്ഭധാരണം എന്നിവയെ തടസ്സപ്പെടുത്തുകയും ചെയ്തേക്കാം. പ്രോജസ്റ്ററോണ് സ്രവത്തില് സമ്മര്ദ്ദവുമായി ബന്ധപ്പെട്ട വ്യതിയാനം ഗര്ഭം അലസാനുള്ള സാധ്യത വര്ദ്ധിപ്പിക്കുമെന്ന് പഠനങ്ങള് തെളിയിച്ചിട്ടുണ്ട്.
സ്ട്രെസ് ലെവലുകളുടെ വര്ദ്ധനവ് സ്ട്രെസ് ഹോര്മോണുകളുടെ അളവ് വര്ദ്ധിപ്പിക്കുമെന്ന് ഗവേഷകര് പറയുന്നു. കോര്ട്ടിസോളിന്റെ വര്ദ്ധനവ് സ്ത്രീകളില് ഈസ്ട്രജൻ, പ്രൊജസ്ട്രോണ് എന്നിവയുടെ സന്തുലിതാവസ്ഥയെ തടസ്സപ്പെടുത്തുകയും ആര്ത്തവവിരാമത്തിനും അണ്ഡോത്പാദന സംബന്ധമായ ബുദ്ധിമുട്ടുകള്ക്കും കാരണമാവുകയും പുരുഷന്മാരില് ടെസ്റ്റോസ്റ്റിറോണ് അളവ് കുറയുകയും ബീജസങ്കലനം കുറയ്ക്കുകയും ചെയ്യുമെന്നും പഠനങ്ങള് പറയുന്നു.
രാത്രിയില് സ്ക്രീൻ സമയം പരിമിതപ്പെടുത്തുന്നത് നല്ല ഉറക്കം ലഭിക്കുന്നതിന് ഗുണം ചെയ്യും. സ്ഥിരമായ ഉറക്കക്കുറവ് ല്യൂട്ടിനൈസിംഗ് ഹോര്മോണിന്റെ അല്ലെങ്കില് അണ്ഡോത്പാദനത്തിന് കാരണമാകുന്ന ഹോര്മോണായ LH-ന്റെ പ്രവര്ത്തനത്തെ ബാധിക്കാം. വേണ്ടത്ര ഉറക്കമില്ലാത്ത ഒരു സ്ത്രീക്ക് അണ്ഡോത്പാദനം ഉത്തേജിപ്പിക്കുന്ന ഹോര്മോണുകളില് തടസ്സം അനുഭവപ്പെടാം. ഇത് ആര്ത്തവചക്രത്തെ ബാധിക്കും.
