പത്തനംതിട്ട: ശബരിമല തീര്ത്ഥാടകര്ക്ക് മികച്ച ആരോഗ്യ സേവനങ്ങള് ഉറപ്പാക്കുമെന്ന് മന്ത്രി വീണാ ജോര്ജ്.
ഇതിനായി സന്നിധാനം, പമ്പ, നിലയ്ക്കല്, ചരല്മേട്, നീലിമല, അപ്പാച്ചിമോട് എന്നീ സ്ഥലങ്ങളില് വിദഗ്ധ സംവിധാനങ്ങളോടു കൂടിയ ഡിസ്പെൻസറികള് പ്രവര്ത്തിക്കുമെന്നും മന്ത്രി അറിയിച്ചു.
മികച്ച ചികിത്സാ സേവനങ്ങള് ഒരുക്കുന്നതിനോടൊപ്പം പകര്ച്ചവ്യാധികളുടെ നിയന്ത്രണത്തിനും പ്രതിരോധത്തിനും ഭക്ഷ്യ സുരക്ഷയ്ക്കും പ്രാധാന്യം നല്കും. പകര്ച്ചവ്യാധി പ്രതിരോധത്തിന് പ്രത്യേക ടീമിനെ സജ്ജമാക്കും.
പത്തനംതിട്ട, കോട്ടയം, ഇടുക്കി, ആലപ്പുഴ തുടങ്ങിയ 4 ജില്ലകളിലെ ജില്ലാ സര്വെയലൻസ് ഓഫീസര്മാര്, ജില്ലാ വെക്ടര് കണ്ട്രോള് യൂണിറ്റുകള് എന്നിവരടങ്ങുന്നവരായിരിക്കും ടീം. ആരോഗ്യ വകുപ്പ് അഡീഷണല് ഡയറക്ടര്ക്കായിരിക്കും ചുമതല.
ഏതെങ്കിലും പകര്ച്ചവ്യാധി കണ്ടെത്തിയാല് സംസ്ഥാനതലത്തില് റിപ്പോര്ട്ട് ചെയ്യേണ്ടതാണ്. ഭക്ഷ്യസുരക്ഷാ സ്ക്വാഡ് മുന്നറിയിപ്പില്ലാതെ പരിശോധന നടത്തേണ്ടതാണ്. ഭക്ഷ്യ സ്ഥാപനങ്ങളിലെ ജീവനക്കാര്ക്ക് ഹെല്ത്ത് കാര്ഡ് ഉറപ്പാക്കും. എല്ലാ പ്രധാന ഭാഷകളിലും അവബോധം നടത്താനും മന്ത്രി നിര്ദേശം നല്കി.
