തിരുവനന്തപുരം: മനുഷ്യക്കടത്തില് ഉള്പ്പെട്ട് റഷ്യയിലെ യുദ്ധമുഖത്ത് കുടുങ്ങിയ അഞ്ചുതെങ്ങ് സ്വദേശികളായ രണ്ടു യുവാക്കള് ഒടുവില് നാട്ടിലേക്ക് മടങ്ങുന്നു.
പ്രിൻസ് സെബാസ്റ്റ്യൻ, ഡേവിഡ് മുത്തപ്പൻ എന്നിവരാണ് മടങ്ങുന്നത്. നാട്ടിലേക്ക് എത്തിക്കാനുള്ള നടപടി വേഗത്തിലാക്കുമെന്ന് ഇന്ത്യൻ എംബസ്സി അറിയിച്ചതായി പ്രിൻസ് പറഞ്ഞു
വീട്ടുകാരുടേയും നാട്ടുകാരുടെയും സങ്കടത്തിനിടെയാണ് ആ സന്തോഷവാർത്ത. പ്രിൻസും ഡേവിഡും ഉടൻ നാട്ടിലേക്കെത്തും. അഞ്ചുതെങ്ങ്- പൊഴിയൂർ സ്വദേശികളായ ഇരുവർക്കും റഷ്യൻ-യുക്രെയിൻ യുദ്ധത്തില് പരിക്കേറ്റിരുന്നു.
സെക്യൂരിറ്റി ജോലിക്കെന്ന പേരിലാണ് ഇടനിലക്കാർ ഇവരെ കൊണ്ടുപോയത്. വാർത്തക്ക് പിന്നാലെ കേന്ദ്രമന്ത്രിമാരും മുഖ്യമന്ത്രിയും പ്രതിപക്ഷനേതാവും ഇടപെട്ടിരുന്നു. പരിക്കേറ്റ് പള്ളിയില് അഭയം തേടിയ ഇരുവരെയും ഇന്ത്യൻ എംബസ്സിയിലേക്ക് വിളിപ്പിച്ചിരുന്നു.
