കൊച്ചി: നവകേരള സദസിലെ വിവാദ പ്രസംഗത്തില് മുഖ്യമന്ത്രി പിണറായി വിജയനെതിരെ അന്വേഷണത്തിന് ഉത്തരവ്.
എറണാകുളം ചീഫ് ജുഡീഷ്യല് മജിസ്ട്രേറ്റ് കോടതിയുടേതാണ് ഉത്തരവ്. നവകേരള യാത്രക്കിടെ യൂത്ത് കോണ്ഗ്രസ് പ്രവര്ത്തകരെ പോലീസ് ആക്രമിച്ചത് രക്ഷാപ്രവര്ത്തനമാണെന്ന നവ കേരള സദസില് മുഖ്യമന്ത്രി നടത്തിയ വിവാദ പ്രസംഗവുമായി ബന്ധപ്പെട്ടാണ് അന്വേഷണം.
രക്ഷാ പ്രവര്ത്തനം തുടരാമെന്നത് കുറ്റകൃത്യത്തിനുള്ള പ്രേരണയായെന്ന പരാതിയില് എറണാകുളം സെന്ട്രല് പോലീസ് അന്വേഷിച്ച് റിപ്പോര്ട്ട് നല്കണമെന്ന് കോടതി വ്യക്തമാക്കി. എറണാകുളം ഡിസിസി പ്രസിഡന്റ് മുഹമ്മദ് ഷിയാസിന്റെ സ്വകാര്യ ഹർജിയിലാണ് കോടതി ഉത്തരവ്.
