പാലാ: പാചകവാതക സിലിണ്ടർ ലോറി വീട്ടിലേക്ക് ഇടിച്ചുകയറി വീടിന്റെ മുൻവശം പൂർണമായി തകർന്നു.
ഉപ്പൂട്ടില് ബിജോയിയുടെ വീടാണ് തകർന്നത്.
പാലാ – പൊൻകുന്നം റോഡില് വാഴേമഠത്തിന് സമീപമായിരുന്നു അപകടം.
അമ്പലമുകളില് നിന്ന് പമ്പ ജ്യോതി ഗ്യാസ് ഏജൻസിയിലേയ്ക്ക് പോകുകയായിരുന്നു ലോറി. നിസാര പരിക്കേറ്റ ലോറി ഡ്രൈവർ ഉണ്ണി പാലാ ജനറല് ആശുപത്രിയില് ചികിത്സതേടി.
നിറുത്തിയിട്ടിരുന്ന ഗുഡ്സ് ഓട്ടോറിക്ഷയും, സമീപത്തെ സ്വകാര്യ വ്യക്തികളുടെ വീടിന്റെ ചുറ്റുമതിലിന്റെ ഒരു ഭാഗവും, വൈദ്യുതിത്തൂണും തകർത്താണ് ലോറി നിന്നത്.
അപകടസമയം നാലുപേർ വീട്ടിലുണ്ടായിരുന്നുെങ്കിലും ഭാഗ്യത്തിന് രക്ഷപ്പെട്ടു. മടുക്കാങ്കല് ജനീഷിന്റെ ഓട്ടോറിക്ഷയാണ് പൂർണമായി തകർന്നത്. വരിക്കാനിക്കല് നാരായണൻകുട്ടിയുടെ വീടിന്റെ ചുറ്റുമതിലിനും നാശം സംഭവിച്ചു. പാലാ പൊലീസ് മേല്നടപടികള് സ്വീകരിച്ചു.
