പാലാ: ബസ് ഓടിക്കുന്നതിനിടെ ഡ്രൈവർക്ക് ഹൃദയാഘാതമുണ്ടായതിനെ തുടർന്ന് പാലാ ഇടമറ്റത്ത് സ്വകാര്യ ബസ് അപകത്തിൽപെട്ടു. ഹൃദയാഘാതമുണ്ടായി കുഴഞ്ഞുവീണ ഡ്രൈവർ മരിച്ചു.
ഇടമറ്റം സ്വദേശി എം.ജി.രാജേഷ് ആണ് മരിച്ചത്. ബസ് മതിലിൽ ഇടിച്ച് അപകടത്തിൽപ്പെട്ടതിനെ തുടർന്ന് 15 പേർക്ക് പരുക്കേറ്റു.
ചേറ്റുതോട്- പാലാ റൂട്ടില് സർവീസ് നടത്തുന്ന ബസാണ് അപകടത്തിൽപെട്ടത്. ബസ് ഓടിക്കുന്നതിനിടെ രാജേഷിന് ഹൃദയാഘാതമുണ്ടാവുകയും കുഴഞ്ഞുവീഴുകയുമായിരുന്നു.
പരിക്കേറ്റവരെ പാലാ ജനറൽ ആശുപത്രിയിലും സമീപത്തുള്ള സ്വകാര്യ ആശുപത്രിയിലുമായി പ്രവേശിപ്പിച്ചു.
