ഇടുക്കി: ഇടുക്കിയില് പിക്കപ്പ് വാനില് നടത്തിയ പരിശോധനയില് പിടിയിലായത് മാഹി മദ്യം എത്തിച്ച് ജില്ലയുടെ വിവിധ ഭാഗങ്ങളില് വിതരണം ചെയ്യുന്ന ശൃംഖലയിലെ കണ്ണി.
പിക്കപ്പ് വാനില് രഹസ്യ അറയില് 100 ലിറ്റർ മാഹി മദ്യം കടത്തിവെയാണ് ഇയാള് എക്സൈസിന്റെ പിടിയിലായത്. ഉടുമ്പഞ്ചോല കാന്തിപ്പാറ സ്വദേശി അനന്തുവാണ് (28) പിടിയിലായത്.
ഇടുക്കി എക്സൈസ് സ്പെഷ്യല് സ്ക്വാഡും ഇടുക്കി ഡെപ്യൂട്ടി എക്സൈസ് കമ്മീഷണർ സ്ക്വാഡും, സ്റ്റേറ്റ് എക്സൈസ് എൻഫോഴ്സ്മെന്റ് സ്ക്വാഡും സംയുക്തമായി നടത്തിയ പരിശോധനയിലാണ് മദ്യം കണ്ടെത്തിയത്. സംഭവത്തില് രണ്ടാം പ്രതി രാജാക്കാട് സ്വദേശി ബിജുവിനായുള്ള അന്വേഷണം എക്സൈസ് ഊർജ്ജിതമാക്കി.
ശൃംഖലയിലെ പ്രധാന കണ്ണികളാണ് ഇരുവരും. പരിശോധനയില് അസിസ്റ്റന്റ് എക്സൈസ് ഇൻസ്പെക്ടർ(ഗ്രേഡ്)മാരായ നെബു എ സി, രാജ്കുമാർ ബി, പ്രിവന്റീവ് ഓഫീസർ (ഗ്രേഡ്)മാരായ അനീഷ് ടി എ, സിജുമോൻ കെ എൻ, ലിജോ ജോസഫ്, സിവില് എക്സൈസ് ഓഫീസർമാരായ ആല്ബിൻ ജോസ്, വിഷ്ണുരാജ് കെ എസ് എന്നിവർ പങ്കെടുത്തു.
