മലപ്പുറം: ദേശീയപാതയിലെ തലപ്പാറയില് കെഎസ്ആര്ടിസി ബസ് തലകീഴായി മറിഞ്ഞ് അപകടം.
നാല്പ്പതോളം പേര്ക്ക് പരുക്കേറ്റു.
തൊട്ടില്പാലത്തുനിന്ന് കൊച്ചിയിലേക്ക് പോയ ബസാണ് അപകടത്തില്പ്പെട്ടത്. പരിക്കേറ്റവരെ തിരൂരങ്ങാടിയിലെയും സമീപത്തെയും ആശുപത്രികളില് പ്രവേശിപ്പിച്ചു.
ആരുടെയും നില ഗുരുതരമല്ല.
തിരൂരങ്ങാടി താലൂക്കാശുപത്രിയില് മുപ്പതിലേറെപ്പേരെ പ്രവേശിപ്പിച്ചു. അഞ്ചുപേരെ കോഴിക്കോട് മെഡിക്കല് കോളേജിലേക്ക് റഫര് ചെയ്തു.
ഞായറാഴ്ച രാത്രി പതിനൊന്നോടെയായിരുന്നു അപകടം. കോഴിക്കോട് തൊട്ടില്പ്പാലത്തുനിന്ന് തിരുവനന്തപുരത്തേക്കു പോകുന്ന സൂപ്പര്ഫാസ്റ്റ് ബസാണ് നിയന്ത്രണം വിട്ട് തലകീഴായി മറിഞ്ഞത്. അറുപതോളം പേര് ബസ്സിലുണ്ടായിരുന്നു.
സീറ്റില് ഇരിക്കുന്നവര്ക്ക് പുറമെ നിന്നും യാത്ര ചെയ്യുന്നവരുണ്ടായിരുന്നു. നാട്ടുകാരും മറ്റു വാഹനങ്ങളില് വന്നവരുമാണ് രക്ഷാപ്രവര്ത്തനം നടത്തിയത്.
