കോട്ടയം: റെയില്വേ സ്റ്റേഷനില് യാത്രക്കാരന് തെരുവ് നായയുടെ കടിയേറ്റു.
ടിക്കറ്റ് എടുക്കാൻ എത്തിയപ്പോഴായിരുന്നു പരുത്തുംപാറ സ്വദേശി സജി ജേക്കബിന് തെരുവ് നായയുടെ കടിയേറ്റത്. രാവിലെ 11 മണിയോടെയായിരുന്നു സംഭവം.
സഹോദരിയോടൊപ്പം തല്ക്കാല് എടുക്കാനെത്തിയതായിരുന്നു സജി. ടിക്കറ്റ് എടുത്ത് തിരിയവേ കൗണ്ടറിന് സമീപം കിടന്നിരുന്ന നായ സജിയെ കടിക്കുകയായിരുന്നു.
കാലിന് ആഴത്തില് മുറിവേറ്റ സജിയെ കോട്ടയം ജില്ലാ ജനറല് ആശുപത്രിയിലും തുടർന്ന് കോട്ടയം മെഡിക്കല് കോളേജിലും പ്രവേശിപ്പിച്ചു. സംഭവത്തില് സജി പോലീസ് എയ്ഡ് പോസ്റ്റിലും റെയില്വേ അതോറിറ്റിക്കും പരാതി നല്കി.
