തിരുവനന്തപുരം: സംസ്ഥാനത്ത് ഇന്ന് വിവിധ ജില്ലകളില് വേനല്മഴ ലഭിക്കുമെന്ന് സൂചന.
വരുന്ന മൂന്ന് മണിക്കൂറില് തൃശൂർ, മലപ്പുറം, കോഴിക്കോട്, കണ്ണൂർ ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്ക് സാദ്ധ്യതയുണ്ടെന്ന് കേന്ദ്ര കാലാവസ്ഥാ വകുപ്പ് അറിയിച്ചു.
ഇന്ന് തിരുവനന്തപുരം മുതല് വയനാട് വരെ 12 ജില്ലകളില് വേനല്മഴ ലഭിക്കുമെന്നാണ് സൂചന.
അതേസമയം സംസ്ഥാനത്ത് മൂന്നു ദിവസം നേരിയ മഴയ്ക്ക് സാദ്ധ്യതയുണ്ടെന്നാണ് വിവരം. മദ്ധ്യ, വടക്കൻ ജില്ലകളിലായിരിക്കും കൂടുതല്. കിഴക്കൻ കാറ്റ് സജീവമായതിനെ തുടർന്നാണിത്. ഇടിമിന്നലിനും സാദ്ധ്യതയുണ്ട്.
