ഇന്ത്യൻ ക്രിക്കറ്റ് താരം മായങ്ക് അഗർവാള് ആശുപത്രിയില്. വിമാനയാത്രക്കൊരുങ്ങവെ ദേഹാസ്വസ്ഥ്യം അനുഭവപ്പെട്ടതിനെ തുടർന്നാണ് അഗർവാളിനെ ആശുപത്രിയില് പ്രവേശിപ്പിച്ചത്.താരം ഇപ്പോള് ഐസിയുവില് ആണ്.
ഫെബ്രുവരി 2ന് റെയില്വേയ്സിനെതിരെ ആരംഭിക്കുന്ന രഞ്ജി മത്സരത്തിനായി അഗർത്തലയില് നിന്ന് സൂറത്തിലേക്കുള്ള യാത്രക്കൊരുങ്ങവെയാണ് സംഭവം. രഞ്ജിയില് കർണാടക ടീമിന്റെ ക്യാപ്റ്റനാണ് അഗർവാള്.
വായയിലും തൊണ്ടയിലും അസ്വസ്ഥത അനുഭവപ്പെട്ട അഗർവാളിനെ അഗർത്തലയിലെ ഐഎല്എസ് ഹോസ്പിറ്റലിന്റെ ഐസിയുവിലണ് പ്രവേശിപ്പിച്ചത്. ഒരു ബോട്ടിലില് നിന്ന് വെള്ളം കുടിച്ചതിനു പിന്നാലെയാണ് അഗർവാളിന് അസ്വസ്ഥത അനുഭവപ്പെട്ടത്.
