തിരൂര്: തിരൂരില് വീട് കുത്തിത്തുറന്ന് 20 പവൻ സ്വര്ണവും 30000 രൂപയും കവര്ന്നു.
തൃശൂരില് ഇലക്ട്രിക്കല് എഞ്ചിനീയറായ മുറിവഴിക്കല് ഇടിവെട്ടിയകത്ത് ഷാഫി കഴിഞ്ഞ ദിവസം വൈകുന്നേരം വീട്ടിലെത്തിയപ്പോഴാണ് വീട് കുത്തിത്തുറന്ന നിലയില് കണ്ടത്.
തുടര്ന്ന് നടത്തിയ പരിശോധനയില് വൻ കവര്ച്ച നടന്നതായി ബോധ്യപ്പെട്ടു. വീട്ടിലെ സാധനങ്ങളും അലമാരകളിലെ വസ്ത്രങ്ങളും വാരിവലിച്ചിട്ട നിലയിലായിരുന്നു.
20 പവൻ സ്വര്ണവും 30000 രൂപയും നഷ്ടപ്പെട്ടുവെന്നാണ് ഷാഫി പോലീസിനോട് പറഞ്ഞത്. പൊലീസും വിരലടയാള വിദഗ്ധരും സ്ഥലത്തെത്തി പരിശോധന നടത്തി. പ്രദേശത്ത് മോഷണം പതിവാണെന്ന് നാട്ടുകാര് പറയുന്നു. തിരൂര് പൊലീസ് കേസെടുത്ത് അന്വേഷണം ആരംഭിച്ചു.
