കോട്ടയം: പെട്ടെന്ന് കേടായിപ്പോകുന്ന ഭക്ഷണങ്ങള് നമ്മള് ഫ്രീസറില് സൂക്ഷിക്കാറുണ്ട്. ഡ്രൈ ഫ്രൂട്സും ഐസ് ക്രീമും ഫ്രീസറില് സൂക്ഷിക്കാൻ പറ്റുന്നവയാണ്.
എന്നാല് എല്ലാത്തരം ഭക്ഷണ സാധനങ്ങളും ഫ്രീസറില് സൂക്ഷിക്കാൻ സാധിക്കില്ല. കാരണം എന്താണെന്നല്ലേ. ഇക്കാര്യങ്ങള് ശ്രദ്ധിക്കൂ.
പാല് ഉല്പ്പന്നങ്ങള്
ഫ്രീസറില് നമ്മള് അധികവും സൂക്ഷിക്കുന്നത് പാല് ഉത്പന്നങ്ങളായിരിക്കും. എന്നാല് ഇങ്ങനെ ചെയ്യാൻ പാടില്ല എന്നതാണ് വസ്തുത. കാരണം പാല് ഫ്രീസറില് വെച്ചാല് അത് പുറത്തെടുക്കുമ്ബോള് കട്ടിയാകാൻ സാധ്യതയുണ്ട്. ഇത് പാലിനെ കേടാക്കുകയും ചെയ്യുന്നു.
വറുത്ത ഭക്ഷണങ്ങള്
വറുത്ത സമോസയും ഉള്ളിവടയുമൊക്കെ കഴിക്കാൻ നമുക്ക് ഇഷ്ടമായിരിക്കും. എന്നാല് ഇവ ഫ്രീസറില് സൂക്ഷിച്ചാല് ഉറപ്പായും സ്വാദ് നഷ്ടപ്പെടും. പിന്നെ കഴിക്കാൻ പറ്റുകയുമില്ല. അതിനാല് തന്നെ പിന്നീടത്തേക്ക് മാറ്റിവെക്കാതെ വറുക്കുന്ന സമയത്ത് തന്നെ അത്തരം ഭക്ഷണങ്ങള് കഴിക്കാൻ ശ്രദ്ധിക്കണം.
നൂഡില്സ്
പാകം ചെയ്തതും അല്ലാത്തതുമായ നൂഡില്സ് ഫ്രീസറില് സൂക്ഷിക്കാൻ പാടില്ല. കാരണം ഫ്രീസറില് നിന്നും പുറത്തെടുക്കുമ്പോള് നൂഡില്സിന്റെ കട്ടി മാറി മൃദുവായി പോകും. നൂഡില്സ് വാങ്ങുമ്പോള് ആവശ്യത്തിനുള്ളത് മാത്രം വാങ്ങി സൂക്ഷിക്കാം.
വെള്ളരി
ഫ്രീസറില് സൂക്ഷിച്ച വെള്ളരി കണ്ണില് വയ്ക്കാൻ മാത്രമേ സാധിക്കൂ. അവ കഴിക്കാൻ പറ്റുന്നതല്ല. കാരണം വെള്ളരി ഫ്രീസറില് സൂക്ഷിച്ചതിന് ശേഷം പുറത്തെടുക്കുമ്പോള് അവയില് ഈർപ്പമുണ്ടാവുകയും അത് കാരണം രുചിയില് വ്യത്യാസം ഉണ്ടാവുകയും ചെയ്യുന്നു.
പഴവർഗ്ഗങ്ങള്
ഡ്രൈ ഫ്രൂട്സുകള് മാത്രം ഫ്രീസറില് സൂക്ഷിക്കാം. ഫ്രഷ് ഫ്രൂട്സുകള് സൂക്ഷിച്ചാല് അവ എളുപ്പത്തില് കേടാവുകയും രുചി വ്യത്യാസം ഉണ്ടാവുകയും പഴവർഗ്ഗങ്ങളില് അടങ്ങിയിരിക്കുന്ന ഗുണങ്ങള് നഷ്ടപ്പെടുകയും ചെയ്യുന്നു.
ടൊമാറ്റോ സോസ്
എന്ത് ഭക്ഷണത്തിനൊപ്പവും നിങ്ങള്ക്ക് ടൊമാറ്റോ സോസ് നിർബന്ധമാണല്ലേ. അതുകൊണ്ട് തന്നെ കേടാകുമെന്ന് കരുതി എളുപ്പത്തില് സോസ് ഫ്രീസറില് സൂക്ഷിക്കുന്നവരുണ്ട്. എന്നാല് അങ്ങനെ ചെയ്യാൻ പാടില്ല. ഫ്രീസറില് നിന്നും പുറത്തെടുക്കുമ്ബോള് ടൊമാറ്റോ പേസ്റ്റ് ഒരിടത്ത് വെള്ളം മറ്റൊരിടത്തായി വേർതിരിച്ച് കിടക്കുന്നത് കാണാൻ സാധിക്കും.
