സാധനങ്ങള് സൂക്ഷിക്കാൻ നിരവധി ഓപ്ഷനുകള് ഇന്നുണ്ട്. അതില് ഏതാണ് കൂടുതല് നല്ലതെന്ന് മനസ്സിലാക്കുന്നത് കുറച്ചധികം ബുദ്ധിമുട്ടുള്ള കാര്യമാണ്.
എന്നിരുന്നാലും ചില സമയങ്ങളില് എല്ലാവർക്കും ഒരു ഉത്തരമേ ഉണ്ടാവുകയുള്ളു. അത് പ്ലാസ്റ്റിക് പാത്രങ്ങളായിരിക്കും. ഉറപ്പുള്ളതും സാധനങ്ങള് വൃത്തിയായി സൂക്ഷിക്കാൻ സഹായിക്കുന്നതുമാണ് ഇത്. എന്തൊക്കെ സാധനങ്ങളാണ് പ്ലാസ്റ്റിക് പാത്രത്തില് സൂക്ഷിക്കേണ്ടതെന്ന് അറിയാം.
എപ്പോഴും ഉപയോഗിക്കാത്ത വസ്ത്രങ്ങള്
എപ്പോഴും ഉപയോഗിക്കാത്ത വസ്ത്രങ്ങള് പ്ലാസ്റ്റിക് ബാസ്കറ്റുകളിലാക്കി സൂക്ഷിക്കുന്നതാണ് നല്ലത്. ഇത് സൂക്ഷിക്കാനും, ഉപയോഗിക്കാനുമൊക്കെ എളുപ്പമാണ്. എന്തുസൂക്ഷിച്ചാലും ബാസ്കറ്റിന് മുന്നില് ലേബല് എഴുതി വയ്ക്കുന്നത് സാധനങ്ങള് എളുപ്പത്തില് എടുക്കാൻ സഹായിക്കുന്നു.
കളിപ്പാട്ടങ്ങള്
കുട്ടികളുടെ കളിപ്പാട്ടങ്ങള്, ക്രയോണ്സ്, മാർക്കർ തുടങ്ങി ചെറിയ വസ്തുക്കള് പ്ലാസ്റ്റിക് പാത്രത്തിലാക്കി സൂക്ഷിക്കാൻ സാധിക്കും. എത്രകാലം വരെയും അത് അങ്ങനെ തന്നെ നിലനില്ക്കുകയും ചെയ്യുന്നു. ഇങ്ങനെ സൂക്ഷിക്കുമ്പോള് ഒന്നും കളഞ്ഞു പോവുകയുമില്ല. അതേസമയം എളുപ്പത്തില് ഉപയോഗിക്കാനും സാധിക്കുന്നു.
ഉപകരണങ്ങള്
ഉപകരണങ്ങളെ പൊടിപടലങ്ങളോ ഈർപ്പമോ ഏല്ക്കാത്ത വിധത്തില് സൂക്ഷിക്കണമെങ്കില് പ്ലാസ്റ്റിക് പാത്രങ്ങളെ തന്നെ തെരഞ്ഞെടുക്കേണ്ടി വരും. എന്ത് ഉപകരണങ്ങളും എളുപ്പത്തില് സൂക്ഷിക്കാൻ സാധിക്കുന്ന ഒന്നാണ് പ്ലാസ്റ്റിക് കണ്ടെയ്നറുകള്.
ബെഡ്ഷീറ്റ്, ടവല്
ബെഡ്ഷീറ്റുകള് അലമാരയില് സൂക്ഷിക്കാൻ സ്ഥലമില്ലെങ്കില് വിഷമിക്കേണ്ട. പ്ലാസ്റ്റിക് ബാസ്കറ്റുകളില് വൃത്തിയായി ഇവ സൂക്ഷിക്കാൻ സാധിക്കും. ഇത് പൊടിപടലങ്ങള് ഉണ്ടാകുന്നതിനെ തടയുകയും ബെഡ്ഷീറ്റുകള് വെച്ചതുപോലെ തന്നെ ഫ്രഷ് ആയിരിക്കാൻ സഹായിക്കുകയും ചെയ്യുന്നു.
പാൻട്രി സാധനങ്ങള്
സാധനങ്ങള്കൊണ്ട് നിങ്ങളുടെ പാൻട്രി നിറഞ്ഞെങ്കില് വിഷമിക്കേണ്ട, പരിഹാരമുണ്ട്. പ്ലാസ്റ്റിക് പാത്രങ്ങളില് എന്തും എപ്പോഴും സൂക്ഷിക്കാൻ സാധിക്കും. മറ്റ് പാത്രങ്ങളെ പോലെയല്ല പ്ലാസ്റ്റിക് പാത്രങ്ങള്. ഇതിന് പെട്ടെന്ന് കേടുപാടുകള് സംഭവിക്കാറില്ല.
