തിരുവനന്തപുരം: ക്രിസ്തുമസ് – പുതുവത്സര വിപണിയില് ഭക്ഷ്യ സുരക്ഷാ വകുപ്പ് പരിശോധനകള് കര്ശനമാക്കിയതായി ആരോഗ്യ വകുപ്പ് മന്ത്രി വീണാ ജോര്ജ്.
ക്രിസ്തുമസ് – പുതുവത്സര സീസണില് വിതരണം നടത്തുന്ന ഭക്ഷ്യ വസ്തുക്കളുടെ ഗുണനിലവാരം ഉറപ്പു വരുത്തുന്നതിനായി ഭക്ഷ്യ സുരക്ഷാ ഓഫീസര്മാരുടെ സ്പെഷ്യല് സ്ക്വാഡുകളാണ് പരിശോധനകള് നടത്തി വരുന്നത്.
സംസ്ഥാന വ്യാപകമായി വിവിധ സ്ക്വാഡുകളുടെ നേതൃത്വത്തില് 2583 പരിശോധനകളാണ് പൂര്ത്തിയാക്കിയതെന്ന് മന്ത്രി വ്യക്തമാക്കി. മാനദണ്ഡങ്ങള് പാലിക്കാതെ പ്രവര്ത്തിച്ച 52 സ്ഥാപനങ്ങളുടെ പ്രവര്ത്തനം നിര്ത്തിവയ്പ്പിച്ചു.
151 സ്ഥാപനങ്ങള്ക്ക് പിഴ ഈടാക്കി. 213 സ്ഥാപനങ്ങള്ക്ക് റെക്ടിഫിക്കേഷന് നോട്ടീസും നല്കി. 317 സ്റ്റ്യാറ്റിയൂട്ടറി സാമ്ബിളുകളും 1114 സര്വൈലന്സ് സാമ്ബിളുകളും പരിശോധനയ്ക്കായി ശേഖരിച്ചു. വരുന്ന ആഴ്ചയും പരിശോധന തുടരുമെന്നും മന്ത്രി വ്യക്തമാക്കി.
