തിരുവനന്തപുരം: നടൻ ബിജു മേനോന്റെ പേരെടുത്ത് പറഞ്ഞും വിമര്ശനവുമായി ബി ഉണ്ണികൃഷ്ണൻ. കരാര് പ്രകാരം സിനിമയുടെ പ്രമോഷനില് ബിജു മേനോൻ പങ്കെടുത്തില്ല. നിര്മാതാവിന് നഷ്ടമായത് 25 ലക്ഷം രൂപയാണ്. ബിജു മേനോന്റെ പേര് പറയാൻ തനിക്ക് മടിയും പേടിയും ഇല്ല എന്നും ബി ഉണ്ണികൃഷ്ണൻ വ്യക്തമാക്കി.
ലോക്കേഷനില് സിനിമാ ചിത്രീകരണം പലപ്പോഴും വൈകാൻ കാരണക്കാര് നടീനടൻമാരെന്ന് സംവിധായകൻ ബി ഉണ്ണികൃഷ്ണൻ പറഞ്ഞു. അടുത്തിടെ ഇറങ്ങിയ ജീത്തു ജോസഫിന്റെ സിനിമയുടെ പ്രമോഷനിലും ബിജു മേനോൻ പങ്കെടുത്തിരുന്നില്ല. ജീത്തു ജോസഫായിരുന്നു വലതുവശത്തെ കള്ളൻ സംവിധാനം ചെയ്തത്. പൊലീസ് വേഷത്തിലായിരുന്നു ബിജു മേനോൻ ചിത്രത്തില് അഭിനയിച്ചത്. ജോജു ജോര്ജും നിര്ണായക വേഷത്തില് ചിത്രത്തില് ഉണ്ടായിരുന്നു.
