തിരുവനന്തപുരം: ഫെബ്രുവരി മാസം മുതല് ഉപഭോക്താക്കള്ക്ക് വൈദ്യുതി ചാര്ജ് യൂണിറ്റിന് 9 പൈസ കുറയുമെന്ന് കെഎസ്ഇബി.
ഇന്ധന സര്ചാര്ജായി പിരിക്കുന്ന 19 പൈസയില് നിന്ന് ഒൻപത് പൈസ കുറവ് വരുത്തിയതോടെയാണ് ഇത്. എന്നാല് കെഎസ്ഇബി സ്വമേധയ പിടിച്ചിരുന്ന യൂണിറ്റിന് 10 പൈസ സര്ചര്ജ് ഫെബ്രുവരിയിലും പിടിക്കും.
ഈ സര്ചാര്ജിന് പുറമെ ഇന്ധന സർചാർജ് റെഗുലേറ്ററി കമ്മീഷന്റെ അംഗീകാരത്തോടെ 9 പൈസ സര്ചാര്ജായി വാങ്ങാനും വ്യവസ്ഥയുണ്ടായിരുന്നു. നിലവില് 2024 ഏപ്രില് മുതല് സെപ്റ്റംബര് വരെയുള്ള മാസങ്ങളില് സ്വമേധയ പിരിക്കുന്ന 10 പൈസ നിരക്കില് വന്ന ഇന്ധന സർചാർജിന് പുറമെ പിരിക്കുന്ന ഇന്ധന സർചാർജ് ആണ് 9 പൈസ നിരക്കില് കമ്മീഷന്റെ അംഗീകാരത്തോടെ തുടർന്നു പോയിരുന്നത്.
