കല്പ്പറ്റ: വയനാട് കളളാടിയിലെ മണ്ണിടിച്ചിലില് കാണാതായ ആള്ക്ക് വേണ്ടി ഇന്നും തിരച്ചില് തുടരും. സോണ് ഒന്ന്, രണ്ട് മേഖലകള് കേന്ദ്രീകരിച്ച് വ്യാപകമായ തിരച്ചില് നടത്താനാണ് തീരുമാനം.
അപകടത്തില് കാണാതായ ഹിമാചല് സ്വദേശി ബിക്രം സിങ് റാണയെ ആണ് കണ്ടെത്താനുളളത്. ഇന്നലെ ഒരാളുടെ മൃതദേഹം കണ്ടെത്തിയിരുന്നു. മീനാക്ഷി പാലത്തില് നിന്നും ഒരു കിലോമീറ്റര് താഴെ നിന്നാണ് മൃതദേഹം കിട്ടിയത്. ബംഗാള് സ്വദേശി രാഗേഷ് ഗുചെയ്തിന്റെ മൃതദേഹമാണ് ലഭിച്ചത്. നിര്മ്മാണ കമ്പനി സര്വേയറായിരുന്നു രാഗേഷ്. കളളാടിയിലെ മണ്ണിടിച്ചിലില് ഏഴുപേര്ക്കാണ് ജീവന് നഷ്ടമായത്.
അതേസമയം, കള്ളാടിയില് അപകടമുണ്ടായ സ്ഥലത്തെ മണ്ണ് നീക്കുന്നത് പരിശോധിക്കാന് വിദഗ്ധസമിതിയെ സർക്കാർ നിയോഗിച്ചു. മൂന്നംഗ സമിതിയെയാണ് നിയമിച്ചത്.
കാലിക്കറ്റ് എന്ഐടി പ്രൊഫസര് ഡോ. സന്തോഷ് ജി. തമ്പി, പരിസ്ഥിതി ശാസ്ത്രജ്ഞന് ഡോ. ജൂഡ് ഇമ്മാനുവല്, എന്സിഇഎസ്എസ് ഡയറക്ടറുടെ പ്രതിനിധി എന്നിവരാണ് സമിതിയിലുള്ളത്. മണ്ണ് നീക്കം ചെയ്യുന്നതിന് ജില്ലാ കളക്ടര് സാങ്കേതിക സഹായം തേടിയിരുന്നു. വിദഗ്ധസമിതി അംഗങ്ങള് സ്ഥലം സന്ദര്ശിക്കുകയും മണ്ണ് നീക്കം ചെയ്യുന്നതിന് വേണ്ട പദ്ധതി തയ്യാറാക്കുകയും ചെയ്യും.
