തിരുവനന്തപുരം: ആത്മാവ് നഷ്ടപ്പെട്ട പാര്ട്ടിയുടെ അസ്ഥികൂടത്തിന് കാവലിരിക്കുന്ന ദുര്ഭൂതമാണ് മുഖ്യമന്ത്രി പിണറായി വിജയനെന്നു പരിഹസിച്ച് കെപിസിസി പ്രസിഡന്റ് കെ സുധാകരന്.
ലോക്സഭാ തെരഞ്ഞെടുപ്പിലെ ഇടതുമുന്നണിയുടെ യഥാര്ത്ഥ പരാജയ കാരണങ്ങളിലേക്കു കടക്കാതെ പിണറായി വിജയന് സംരക്ഷണം ഒരുക്കാനുമാണ് തിരുത്തല് യജ്ഞം നടത്തിയതെന്നും അദ്ദേഹം പറഞ്ഞു.
അണികള് ചോരയും നീരയും നല്കി കെട്ടിപ്പെടുത്ത പ്രസ്ഥാനത്തിന്റേയും ഭരണത്തിന്റേയും തലപ്പത്തിരിക്കുന്നവര് ചീഞ്ഞുനാറുന്നത് തിരുത്തല് യജ്ഞക്കാര് കണ്ടില്ലെന്ന് നടിച്ചെന്നും കെ സുധാകരന് പറഞ്ഞു.
ബംഗാളിലും ത്രിപുരയിലും സംഭവിച്ചത് കേരളത്തില് ആവര്ത്തിക്കാതിരിക്കണമെങ്കില് യഥാര്ത്ഥ തിരുത്തല് പ്രക്രിയയ്ക്കു തുടക്കം കുറിക്കണമെന്നും അതു പിണറായില്നിന്നായിരിക്കണമെന്നും സുധാകരന് പറഞ്ഞു.
