തിരുവനന്തപുരം: സംസ്ഥാനത്ത് ആറ് ജില്ലകളില് നാളെ വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചു.
മലപ്പുറം, കോഴിക്കോട് ജില്ലകളിലാണ് ഏറ്റവുമൊടുവില് വിദ്യാഭ്യാസ സ്ഥാപനങ്ങള്ക്ക് അവധി പ്രഖ്യാപിച്ചത്.
അങ്കണവാടികള്, മദ്രസകള്, ട്യൂഷൻ സെൻ്ററുകള് അടക്കം പ്രൊഫഷണല് കോളേജുകള്ക്ക് വരെ രണ്ട് ജില്ലകളിലും അവധി ബാധകമാണ്. കനത്ത മഴ തുടരുന്ന സാഹചര്യത്തിലാണ് നടപടി.
വയനാട്, തൃശൂര്, കാസർകോട്, കണ്ണൂർ ജില്ലകളിലെ വിദ്യാഭ്യാസ സ്ഥാപനങ്ങള്ക്കും നാളെ അവധി പ്രഖ്യാപിച്ചിട്ടുണ്ട്. എല്ലാ ജില്ലകളിലും പ്രൊഫഷണല് കോളേജുകള്ക്കും അവധി ബാധകമായിരിക്കും.
വയനാട്ടിലെ റസിഡൻഷല് സ്കൂളുകള്ക്ക് അവധി ബാധകമല്ല. കണ്ണൂരില് മുൻ നിശ്ചയപ്രകാരമുള്ള പൊതുപരീക്ഷകള്, യൂണിവേഴ്സിറ്റി പരീക്ഷകള് എന്നിവയ്ക്ക് മാറ്റം ഉണ്ടായിരിക്കില്ലെന്ന് കളക്ടർ വ്യക്തമാക്കി. കാസര്കോട് ജില്ലയില് സിബിഎസ്ഇ, ഐസിഎസ്സി, കേന്ദ്രീയ വിദ്യാലയങ്ങള്ക്കും അവധി ബാധകമാണ്.
