കൊല്ലം പുത്തൂരിൽ ബാധ ഒഴിപ്പിക്കാനെത്തിയ പതിനാറുകാരിയെ ജ്യോത്സ്യൻ പീഡിപ്പിക്കാന് ശ്രമിച്ചു. വെണ്ടാര് സ്വദേശി മുരാരി തന്ത്രി എന്നറിയപ്പെടുന്ന രാജൻ ബാബു ആണ് പ്രതി. സംഭവത്തിന് പിന്നാലെ ഇയാൾ ഒളിവിലാണെന്നാണ് സൂചന. പൊലീസ് ഇയാള്ക്കായി അന്വേഷണം വ്യാപിപ്പിച്ചിട്ടുണ്ട്. പ്രതിക്കെതിരെ പോക്സോ വകുപ്പുകൾ ചുമത്തിയാണ് പൊലീസ് കേസെടുത്തത്. കൊല്ലം പുത്തൂരില് കഴിഞ്ഞ ദിവസമാണ് ബാധ ഒഴിപ്പിക്കാന് അമ്മയ്ക്കൊപ്പം എത്തിയ കുട്ടിക്കെതിരെ പ്രതി ലെെംഗികാതിക്രമം നടത്തിയത്. അമ്മയെ പുറത്തിരുത്തി പെണ്കുട്ടിയെ മുറിയിലേക്ക് കൂട്ടിക്കൊണ്ടുപോയി കടന്നുപിടിക്കുകയായിരുന്നു. ഈ സമയത്ത് പെണ്കുട്ടി നിലവിളിച്ച് പുറത്തേക്കോടി. ബഹളം കേട്ട് നാട്ടുകാര് ഓടിയെത്തിയപ്പോഴേക്കും പിന്വാതിലിലൂടെ ജോത്സ്യന് കടന്നുകളഞ്ഞു. റീൽ വീഡിയോകളിലൂടെ സമൂഹ മാധ്യമങ്ങളിൽ സജീവമാണ് മുരാരി തന്ത്രി. സംഭവത്തിൽ പുത്തൂർ പൊലീസ് കേസെടുത്ത് അന്വേഷണം തുടങ്ങി. സംഭവത്തെ തുടർന്ന് ഇയാൾ ഇപ്പോഴും ഒളിവിലാണ്.
കൊല്ലത്ത് ബാധ ഒഴിപ്പിക്കാനെത്തിയ 16കാരിക്ക് നേരെ ലെെംഗികാതിക്രമം; ജ്യോത്സ്യൻ ഒളിവിൽ, അന്വേഷണം വ്യാപിപ്പിച്ച് പോലീസ്
