കോട്ടയം: തീയും പുകയും ഒന്നുമില്ലാതെ ഒരു പായസം ഉണ്ടാക്കിയാലോ.
സാധാരണ പായസം പോലെ പഞ്ചസാരയോ പാലോ നെയ്യോ ഒന്നും ഇതിന് ആവശ്യമില്ല കേട്ടോ. ഇതാ ഏറ്റവും രുചികരമായ അതിനേക്കാള് ഉപരി ആരോഗ്യകരമായ ഒരു ഈസി പായസം റെസിപ്പി.
ചേരുവകള്:
നന്നായി പഴുത്ത ഏത്തപ്പഴം :- 1എണ്ണം
പനങ്കല്ക്കണ്ടം :- 1 ടീസ്പൂണ്
ഏലക്കപൊടി – ½ ടീസ്പൂണ്
ഈന്തപ്പഴം വെള്ളത്തില് കുതിർത്തു കുരു നീക്കം ചെയ്തത്:- 1 കപ്പ്
കശുവണ്ടി കുതിർത്തത് :- ½ കപ്പ്
ബദാം കുതിർത്തത് :- ½ കപ്പ്
തേങ്ങ ചിരകിയത് :- 2
ചിയാ സീഡ് കുതിർത്തത് :- 1 കപ്പ്.
തയാറാക്കുന്ന വിധം
ഒരു കുഴിവുള്ള പാത്രത്തില് ഏത്തപ്പഴവും പനങ്കല്ക്കണ്ടവും ഏലക്ക പൊടിച്ചതും ചേർത്ത് ഒരു ഫോർക്ക് ഉപയോഗിച്ചു നന്നായി ഉടച്ചു ചേർക്കുക. അതിനു ശേഷം ഒരു മിക്സി ജാറില് ബാക്കിയുള്ള ചേരുവകള് ( ചിയാസീഡ് ഒഴികെ) ഒന്നരകപ്പ് വെള്ളം ചേർത്ത് നന്നായി അരച്ചെടുക്കുക. അരച്ചെടുത്ത ഈ മിശ്രിതം അരിച്ചെടുത്ത ശേഷം നേരത്തെ ഉടച്ചു ചേർത്ത ഏത്തപ്പഴത്തിലേക്ക് ചേർത്ത് നന്നായി ഇളക്കി യോജിപ്പിക്കുക. അവസാനമായി കുതിർത്തു വച്ച ചിയാസീഡ് കൂടി ചേർത്തിളക്കി അപ്പോള് തന്നെ അല്ലെങ്കില് തണുപ്പിച്ചു കഴിക്കാവുന്നതാണ്. ഈ ഹെല്ത്തി ഈസി പായസത്തില് അടങ്ങിയിരിക്കുന്നതെല്ലാം തന്നെ ആരോഗ്യകരമായവയാണ്. ഡയറ്റ് ചെയ്യുന്നവർക്ക് സ്വീറ്റ് ക്രെവിങ്സ് ഉണ്ടാകുമ്പോള് കഴിക്കാൻ പറ്റുന്ന ഉത്തമമായ ഒരു സ്വീറ്റ് പുഡ്ഡിങ് ആണിത്.
