തിരുവനന്തപുരം: വാഹന ഉടമയുടെ സൗകര്യാർഥം സംസ്ഥാനത്തെ ഏത് മോട്ടോർവാഹന ഓഫീസിലും പുതിയ വാഹനം രജിസ്റ്റർ ചെയ്യാൻ കഴിയുംവിധം കേന്ദ്ര മോട്ടോർവാഹന നിയമത്തില് മാറ്റംവരുത്തുന്നു.
ഉടമയുടെ മേല്വിലാസപരിധിയിലെ ഓഫീസില് മാത്രമാണ് ഇപ്പോള് രജിസ്ട്രേഷൻ അനുവദിച്ചിട്ടുള്ളത്.
ഭേദഗതി വന്നാല് ഇഷ്ടമുള്ള രജിസ്ട്രേഷൻ സീരിസ് തിരഞ്ഞെടുക്കാനാകും.
ജോലി, ബിസിനസ് ആവശ്യങ്ങള്ക്ക് മാറി താമസിക്കേണ്ടിവരുന്നവർക്ക് സൗകര്യപ്രദമാകും പുതിയ പരിഷ്കാരം.
എവിടെ നിന്നും വാങ്ങുന്ന വാഹനവും ഉടമയുടെ മേല്വിലാസ പരിധിയിലെ ഓഫീസില് രജിസ്റ്റർ ചെയ്യാനുളള സൗകര്യം ഇപ്പോഴുണ്ട്.
ഓഫീസ് അടിസ്ഥാനത്തില് പ്രത്യേക രജിസ്ട്രേഷൻ അനുവദിക്കുന്ന രീതിയാണ് സംസ്ഥാനത്തുള്ളത്. പകരം ബി.എച്ച്. രജിസ്ട്രേഷൻ മാതൃകയില് സംസ്ഥാനത്തിന് ഒറ്റ രജിസ്ട്രേഷൻ സീരിസാണ് കേന്ദ്രം ശുപാർശ ചെയ്യുന്നത്. ഇതിന് വഴിയൊരുക്കുന്നതാണ് പുതിയ ഭേദഗതി.
