രാജ്യത്ത് പോലീസ് കസ്റ്റഡി മരണങ്ങളിൽ വൻ വർധന. ഈ വർഷം ഇതുവരെ രാജ്യത്ത് റിപ്പോർട്ട് ചെയ്തത് 170 കസ്റ്റഡി മരണങ്ങളാണെന്നാണ് റിപ്പോർട്ടുകൾ വ്യക്തമാക്കുന്നത്. ബിഹാറിലാണ് ഏറ്റവും അധികം പോലീസ് കസ്റ്റഡി മരണങ്ങൾ റിപ്പോർട്ട് ചെയ്തത്. രാജസ്ഥാനിലെ കസ്റ്റഡി മരണവുമായി ബന്ധപ്പെട്ട ചോദ്യത്തിലാണ് കേന്ദ്ര ആഭ്യന്തര മന്ത്രാലയം ഞെട്ടിപ്പിക്കുന്ന കണക്കുകൾ പുറത്ത് വിട്ടത്. കഴിഞ്ഞ വർഷം രാജ്യത്ത് മൊത്തം റിപ്പോർട്ട് ചെയ്തത് 140 കസ്റ്റഡി മരണങ്ങളാണ്. എന്നാൽ ഈ വർഷം 74 ദിവസം പിന്നിട്ടപ്പോൾ തന്നെ ആ കണക്ക് കടന്നു. കസ്റ്റഡി മരണങ്ങൾ ഈ വർഷം ഏറ്റവും അധികം റിപ്പോർട്ട് ചെയ്തത് ബീഹാറിലാണ്.19 മരണമാണ് ബീഹാറിൽ റിപ്പോർട്ട് ചെയ്തത്. രാജസ്ഥാനിൽ പതിനെട്ടും, ഉത്തർപ്രദേശിൽ പതിനഞ്ചും പേർമരിച്ചു. കേരളത്തിൽ ഈ വർഷം ഇതുവരെ പോലീസ് കസ്റ്റഡിയിൽ 3 പേരാണ് മരിച്ചത്.
രാജ്യത്ത് ഈ വർഷം 170 പോലീസ് കസ്റ്റഡി മരണങ്ങൾ; വൻ വർധനയെന്ന് റിപ്പോർട്ട്
