കോട്ടയം: ഈ പുട്ട് കഴിക്കാൻ കറിയുടെ ആവശ്യമില്ല. രുചികരമായി തയ്യാറാക്കാവുന്ന മസാല പുട്ടിന്റെ റെസിപ്പി നോക്കാം.
ആവശ്യമായ ചേരുവകള്
പുട്ടുപൊടി
വെള്ളം
ഉപ്പ്
വെളിച്ചെണ്ണ – ഒരു ടീസ്പൂണ്
കടുക് -ഒരു ടീസ്പൂണ്
ഉഴുന്നുപരിപ്പ് -ഒരു ടീസ്പൂണ്
ചെറിയ ജീരകം -അര ടീസ്പൂണ്
ചെറിയുള്ളി 6-7
ഇഞ്ചി -ചെറിയ കഷണം
പച്ചമുളക്
കറിവേപ്പില
മല്ലിയില
മഞ്ഞള്പൊടി -കാല് ടീസ്പൂണ്
മുളക് ചതച്ചത്-ഒരു ടേബിള് സ്പൂണ്
തേങ്ങ
തയ്യാറാക്കുന്ന വിധം
ആദ്യം പുട്ടുപൊടി കുഴച്ച് വയ്ക്കാം. തരിയുള്ള പുട്ടുപൊടിയിലേക്ക് അതേ അളവില് വെള്ളം ചേര്ക്കുക. ആവശ്യത്തിനു ഉപ്പും ചേര്ത്ത് കുറച്ച് സമയം മാറ്റിവയ്ക്കണം. ശേഷം കൈ ഉപയോഗിച്ച് തരിതരിയായി പൊടിച്ചെടുക്കാം. ഇനി ഒരു പാന് അടുപ്പില് വച്ച് വെളിച്ചെണ്ണ ഒഴിച്ച് ചൂടാക്കാം.
കടുക് ചേര്ത്ത് പൊട്ടുമ്പോള് ഉഴുന്നുപരിപ്പ് ചേര്ത്ത് മൊരിയിക്കാം. ചെറിയുള്ളി ചേര്ത്ത് നല്ല ബ്രൗണ് നിറമാകുന്നതുവരെ മിക്സ് ചെയ്യുക. ശേഷം ഉണക്കമുളക് ചതച്ചത് മഞ്ഞള്പ്പൊടിയും ചേര്ത്ത് നന്നായി മിക്സ് ചെയ്യാം. പച്ചമണം മാറുമ്പോള് തീ ഓഫ് ചെയ്തു ഇതിനെ പുട്ടുപൊടിയിലേക്ക് ചേര്ക്കുക. ശേഷം നല്ലപോലെ തിരുമ്മി യോജിപ്പിക്കാം. ഇനി സാധാരണ പോലെ തേങ്ങ ചേര്ത്ത് പുട്ട് ഉണ്ടാക്കാം.
