കൊച്ചി: സൗദി പൗരയായ യുവതിയുടെ പീഡന പരാതിയില് മല്ലു ട്രാവലര് എന്ന പേരില് അറിയപ്പെടുന്ന യൂട്യൂബര് ഷാക്കിര് സുബ്ഹാന് ഇടക്കാല മുൻകൂര് ജാമ്യം.
ഉപാധികളോടെയാണ് ഹൈക്കോടതി ജാമ്യം നല്കിയത്. സംസ്ഥാനം വിട്ടു പോകാൻ പാടില്ല, പാസ്പോര്ട്ട് ഹാജരാക്കണം എന്നും കോടതി നിര്ദേശം നല്കി.
നിലവില് വിദേശത്തുള്ള സാക്കിര് കേരളത്തിലെത്തുമെന്ന് അഭിഭാഷകൻ അറിയിച്ചതിനെ തുടര്ന്നാണ് ജാമ്യം അനുവദിച്ചത്. സൗദി പൗരയായ 29 കാരിയാണ് കേസിലെ പരാതിക്കാരി.
ഇക്കഴിഞ്ഞ സെപ്റ്റംബര് 13 ന് എറണാകുളത്തെ ഹോട്ടലില് വച്ച് പീഡിപ്പിക്കാൻ ശ്രമിച്ചുവെന്നാണ് പരാതിയില് പറയുന്നത്. ഏറെ നാളായി കൊച്ചിയിലാണ് സൗദി പൗരയായ യുവതി താമസിക്കുന്നത്. ഇവരെ അഭിമുഖം ചെയ്യുന്നതിനായാണ് മല്ലു ട്രാവലര് ഷക്കീര് സുബാൻ ഹോട്ടലിലെത്തിയത്.
ഈ സമയത്ത് യുവതിയുടെ പ്രതിശ്രുത വരനും സ്ഥലത്തുണ്ടായിരുന്നുവെന്ന് പൊലീസ് പറയുന്നു. എന്നാല് പിന്നീട് പ്രതിശ്രുത വരൻ പുറത്തേക്ക് പോയി. ഈ സമയത്ത് ഷക്കീര് സുബാൻ പീഡന ശ്രമം നടത്തിയെന്നാണ് യുവതി പരാതിയില് ആരോപിക്കുന്നത്.
