കോട്ടയം: തോന്നിയപോലെ ബസ് ഓടിക്കുന്നതായുള്ള പേരുദോഷം മാറ്റാനും അപകടം ഒഴിവാക്കാനും പുതിയ പദ്ധതിയുമായി കെ.എസ്.ആർ.ടി.സി.
നല്ല ഡ്രൈവിങ്ങില് ഡ്രൈവർമാർക്ക് മാർഗനിർദേശം നല്കാൻ താത്കാലികമായി പരീശീലകരെ നിയമിക്കുന്നു. ഡ്രൈവിങ് ശീലം മെച്ചപ്പെടുത്തുകയും പ്രവർത്തനച്ചെലവും അപകടനിരക്കും കുറയ്ക്കുകയുമാണ് ലക്ഷ്യം.
ഹെഡ് വെഹിക്കിള് സൂപ്പർവൈസർ, വെഹിക്കിള് സൂപ്പർവൈസർ തസ്തികകളില് കോർപ്പേറേഷനില് നിന്ന് വിരമിച്ചവരെയും 60 വയസ്സ് തികയാത്തവരെയുമാണ് ‘ബദലി’ അടിസ്ഥാനത്തില് എല്ലാ ജില്ലകളിലും നിയമിക്കുന്നത്. എട്ടുമണിക്കൂർ ഡ്യൂട്ടിക്ക് 715 രൂപയാണ് ദിവസവേതനം.
പ്രധാന ചുമതലകള്
ഡ്രൈവർമാരുടെ ഡ്രൈവിങ് സ്വഭാവങ്ങള് നിരന്തരം നിരീക്ഷിച്ച് തുടർ പരിശീലനം നല്കുക
ഇന്ധനക്ഷമത, അപകടനിരക്ക്, ബ്രേക്ക് ഡൗണ് എന്നിവ യൂണിറ്റ് തലത്തില് പരിശോധിച്ച് ആവശ്യമുള്ള ജീവനക്കാർക്ക് പരിശീലനം നല്കുക.
ബസുകളില് യാത്രചെയ്ത് ഡ്രൈവിങ് സ്വഭാവം നിരീക്ഷിച്ച് ആവശ്യമായ തിരുത്തലുകള് നല്കുക.
പ്രാദേശികമായി പരിശീലനക്ലാസുകള് നടത്തുക.
ഓരോ ആഴ്ചയും അവലോകന റിപ്പോർട്ട് തയ്യാറാക്കി എക്സിക്യൂട്ടീവ് ഡയറക്ടർക്ക് നല്കുക.
