തിരുവനന്തപുരം: സംസ്ഥാനത്ത് ഇന്നും വ്യാപക മഴയ്ക്ക് സാധ്യത.
ആലപ്പുഴ, എറണാകുളം, തൃശൂർ, മലപ്പുറം ജില്ലകളിൽ ഇന്ന് യെല്ലോ അലർട്ട് പ്രഖ്യാപിച്ചിട്ടുണ്ട്.
ശനിയാഴ്ച്ച വരെ വിവിധ ജില്ലകളിലായി മഴ തുടരുമെന്നാണ് പ്രതീക്ഷ.
നാളെ തെക്കൻ ജില്ലകളിൽ മഴ കനക്കുമെന്നും കാലാവസ്ഥ വകുപ്പ് അറിയിച്ചു. ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്.24 മണിക്കൂറില് 64.5 മില്ലിമീറ്റർ മുതല് 115.5 മില്ലിമീറ്റർ വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അർത്ഥമാക്കുന്നത്.
ഇടിമിന്നല് നിർദേശവും പുറപ്പെടുവിച്ചു.
ഇന്ന് രാവിലെ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം ജില്ലകളില് ഒറ്റപ്പെട്ടയിടങ്ങളില് ഇടിമിന്നലോട് കൂടിയ നേരിയ അല്ലെങ്കില് ഇടത്തരം മഴയ്ക്കും മണിക്കൂറില് 40 കിലോമീറ്റർ വരെ വേഗതയില് ശക്തമായ കാറ്റിനും സാധ്യതയുണ്ട്.
കൂടാതെ, ഇടുക്കി, എറണാകുളം, പാലക്കാട് ജില്ലകളില് ഒറ്റപ്പെട്ടയിടങ്ങളില് നേരിയ മഴയ്ക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചിട്ടുണ്ട്.
മഴ മുന്നറിയിപ്പ്
മെയ് 20: യെല്ലോ അലർട്ട് – ആലപ്പുഴ, എറണാകുളം, തൃശ്ശൂർ, മലപ്പുറം, മറ്റിടങ്ങളില് ഗ്രീൻ അലർട്ട്.
മെയ് 21: യെല്ലോ അലർട്ട് – തിരുവനന്തപുരം, കൊല്ലംസ പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, മറ്റിടങ്ങളില് ഗ്രീൻ അലർട്ട്
മെയ് 22: എല്ലാ ജില്ലകളിലും ഗ്രീൻ അലർട്ട്
മെയ് 23: എല്ലാ ജില്ലകളിലും ഗ്രീൻ അലർട്ട്
