കേരളത്തോടുളള കേന്ദ്രത്തിന്റെ അവഗണനയില് പ്രതിഷേധിച്ച് ദില്ലിയില് ഫെബ്രുവരി 8 ന് സമരത്തിനിറങ്ങാൻ മുഖ്യമന്ത്രിയും മന്ത്രിമാരും.
തിരുവനന്തപുരം : ജനപ്രതിനിധികളെയടക്കം പങ്കെടുപ്പിച്ച് ജന്തര് മന്ദറില് സമരം നടത്താൻ ഇടത് മുന്നണി യോഗത്തില് തീരുമാനമായി. കേരള ഹൗസില് നിന്ന് രാവിലെ 11.30 ന് ജാഥ ജന്തര് മന്ദറിലേക്ക് നീങ്ങും.ഇന്ത്യാ മുന്നണിയിലെ കക്ഷി നേതാക്കളെയും എല്ലാ മുഖ്യമന്ത്രിമാരെയും സമരത്തിന് ക്ഷണിച്ചു.
ബിജെപി മുഖ്യമന്ത്രിമാര്ക്കും സമരത്തിന് ക്ഷണിച്ച് കത്ത് നല്കും. ഇടത് സര്ക്കാരിന്റെ ജനപ്രീതി ഇല്ലാതാക്കാൻ കേന്ദ്രസര്ക്കാര് ബോധപൂര്വ്വം ശ്രമം നടത്തുകയാണെന്ന് ഇടത് മുന്നണി കണ്വീനര് ഇ പി ജയരാജൻ ആരോപിച്ചു. പണം അനുവദിക്കാതെ കേരളത്തില് വികസന മുരടിപ്പ് ഉണ്ടാക്കുന്നു. ഡല്ഹിയിലെ സമര ദിവസം കേരളത്തില് ബൂത്തുകള് കേന്ദ്രീകരിച്ച് പാര്ട്ടി പ്രവര്ത്തകര് ഭവന സന്ദര്ശനം നടത്തുമെന്നും ഇപി ജയരാജൻ അറിയിച്ചു.
