കൊച്ചി: ഇൻഡിഗോ വിമാന കമ്പനിയുടെ സോഫ്റ്റ്വെയർ തകരാറിലായി.
നെടുമ്പാശ്ശേരി വിമാനത്താവളത്തില് ഇൻഡിഗോ യാത്രക്കാരുടെ പരിശോധനകള് വൈകുന്നു. ഇന്ന് ഉച്ചയോടെയാണ് സോഫ്റ്റ്വെയർ തകരാര് അനുഭവപ്പെട്ടത്.
സോഫ്റ്റ്വെയർ തകരാറിലായതോടെ ഇൻഡിഗോ വെബ് സൈറ്റും ബുക്കിങ് സംവിധാനവുമെല്ലാം തടസ്സപ്പെട്ടു. പിന്നാലെ യാത്രക്കാർക്ക് ചെക്ക് ഇൻ ചെയ്യാനും ബാഗേജ് കയറ്റിവിടാനുമൊക്കെ കൂടുതല് സമയം വേണ്ടി വരുന്നു.
നീണ്ട നിരയാണ് പല വിമാനത്താവളങ്ങളിലും ഇൻഡിഗോ കൗണ്ടറുകളിലുള്ളത്. തകരാർ പരിഹരിക്കാനുള്ള ശ്രമങ്ങള് തുടരുകയാണെന്നും യാത്രക്കാരുടെ ബുദ്ധിമുട്ട് പരമാവധി കുറക്കാൻ നടപടിയെടുത്തിട്ടുണ്ടെന്നും ഇൻഡിഗോ അറിയിച്ചു. പരിശോധനകള് വൈകുന്നതില് യാത്രക്കാര് പ്രതിഷേധം അറിയിച്ചു.
