തൊടുപുഴ: ഇടുക്കി അണക്കെട്ടിനു സമീപത്ത് പുതുതായി നിര്മാണം പൂര്ത്തീകരിച്ച ടൂറിസം വകുപ്പിന്റെ ഇക്കോ ലോഡ്ജുകള് നാളെ പൊതുജനങ്ങള്ക്കായി തുറന്നു കൊടുക്കും.
രാവിലെ 10ന് മന്ത്രി റോഷി അഗസ്റ്റിന്റെ അധ്യക്ഷതയില് മന്ത്രി പി.എ. മുഹമ്മദ് റിയാസ് ഓണ്ലൈനായി ഉദ്ഘാടനം ചെയ്യും. അഡ്വ. ഡീന് കുര്യാക്കോസ് എം.പി മുഖ്യാതിഥിയായിരിക്കും.
പൊതുജനങ്ങള് ഉള്പ്പെടെ എല്ലാവര്ക്കും ഇക്കോ ലോഡ്ജിലെ താമസസൗകര്യങ്ങള് കാണുവാനുള്ള സൗകര്യങ്ങള് ഉണ്ടായിരിക്കും. 25 ഏക്കറോളം വരുന്ന പ്രദേശത്താണ് ഇക്കോ ലോഡ്ജുകള് നിര്മിച്ചിരിക്കുന്നത്. ‘
പൂര്ണമായും തടികൊണ്ടാണു ലോഡ്ജുകളുടെ നിര്മാണം. എറണാകുളത്തു നിന്നും തൊടുപുഴയില് നിന്നും വരുന്നവര്ക്ക് ചെറുതോണിയില് നിന്ന് ഒന്നര കിലോമീറ്റര് മുന്പോട്ടു പ്രധാനപാതയില് സഞ്ചരിച്ചാല് ഇവിടെയെത്താന് സാധിക്കും.
