കോട്ടയം: മിക്കവാറും വീടുകളിലും കാണുന്ന ഒന്നാണ് ലോണ്ട്രി ബാസ്കറ്റ് അഥവാ കഴുകാനുള്ള തുണികള് ഇട്ടുവയ്ക്കുന്ന ബാസ്കറ്റ്.
ചില വീടുകളില് കസേരകളിലോ തുണി സ്റ്റാന്റിലോ ആയിരിക്കും കഴുകാനുള്ള മുഷിഞ്ഞ വസ്ത്രങ്ങള് ഇട്ടുവയ്ക്കുക. എന്നാല് ഒട്ടുമിക്ക വീടുകളിലും വലിയ പൊക്കമുള്ള ബാസ്കറ്റിലായിരിക്കും അഴുക്കുള്ള തുണികള് മാറ്റിയിടുക. ഈ ബാസ്കറ്റുകള് ശ്രദ്ധിച്ചാല് ഒരു കാര്യം മനസിലാവും, ഇവയില് നിറയെ ദ്വാരങ്ങള് ഉണ്ടായിരിക്കും.
എന്തിനായിരിക്കും ലോണ്ട്രി ബാസ്കറ്റുകളില് നിറയെ ദ്വാരങ്ങള് നല്കിയിരിക്കുന്നത്?
‘ലോണ്ട്രി ലവ്: ഫൈണ്ടിംഗ് ജോയ് ഇൻ എ കോമണ് ചോർ’ എന്ന പുസ്തകത്തിന്റെ രചയിതാവ് പാട്രിക് റിച്ചാർഡ്സണ് ഭാരവുമായാണ് ലോണ്ട്രി ബാസ്കറ്റിലെ ദ്വാരങ്ങളെ ബന്ധപ്പെടുത്തുന്നത്. ബാസ്കറ്റില് നിറയെ ദ്വാരങ്ങളുണ്ടെങ്കില് ഭാരം കുറവ് അനുഭവപ്പെടുമെന്നാണ് അദ്ദേഹം ചൂണ്ടിക്കാട്ടുന്നത്. പണ്ടുകാലങ്ങളില് ഈറ്റയും മുളയുമൊക്ക കൊണ്ടായിരുന്നു കുട്ടകള് നിർമിച്ചിരുന്നത്. എന്നാല് കാലം മാറിയതോടെ എല്ലാവരും പ്ളാസ്റ്റിക്കിലേയ്ക്ക് മാറി. നിറയെ തുണികള് ഇട്ടുവയ്ക്കുന്നതിനാല് ഭാരം അനുഭവപ്പെടാതിരിക്കാനാണ് ലോണ്ട്രി ബാസ്കറ്റില് ദ്വാരമുള്ളത്.
മാത്രമല്ല മുഷിഞ്ഞ തുണികളിലെ ദുർഗന്ധം അകറ്റാനും ബാസ്കറ്റിലെ ദ്വാരങ്ങള് സഹായിക്കുന്നു. മുഷിഞ്ഞ തുണികള് കൃത്യസമയത്ത് കഴുകാൻ സാധിക്കാതെ കുമിഞ്ഞ് കൂടുമ്ബോള് ദുർഗന്ധം വർദ്ധിക്കുന്നതിന് കാരണമാകും. ഇത്തരം തുണികള് ഇട്ടുവയ്ക്കുന്ന ബാസ്കറ്റില് ദ്വാരമില്ലെങ്കില് അടച്ചുവയ്ക്കുമ്ബോള് ദുർഗന്ധം കൂടും. എന്നാല് ബാസ്കറ്റില് ദ്വാരങ്ങളുണ്ടെങ്കില് ഈ പ്രശ്നം അകറ്റാം.
