കാലാവസ്ഥയിലെ വ്യതിയാനങ്ങള് ശരീരത്തേയും ബാധിയ്ക്കും.അന്തരീക്ഷ താപനിലയിലെ വ്യത്യാസങ്ങള് , കൂടുതല് ബാധിക്കുക ചര്മത്തെയാണ്.
തണുപ്പുകാലത്ത് ശരീരത്തില് ജലാംശം കുറയുന്നത് പതിവാണ്. വെള്ളം കുടിക്കുന്നതിന്റെ അളവിലും കുറവ് വരുന്നത് ഇതിന് കാരണമാകും. ശരീരത്തില് ജലാശം കുറഞ്ഞാല് ദഹനപ്രശ്നങ്ങള്, തലവേദന, നിര്ജലീകരണം തുടങ്ങിയ ആരോഗ്യപ്രശ്നങ്ങള്ക്കും കാരണമാകും. ജലാംശം നിലനിര്ത്തി ചര്മം തിളക്കത്തോടെ കാത്ത് സൂക്ഷിക്കുന്നതിന് സഹായിക്കുന്ന പാനീയങ്ങള് അറിഞ്ഞിരിക്കാം.
പച്ചക്കറികള് ചേര്ത്തുള്ള സൂപ്പ് തണുപ്പുകാലത്ത് ചര്മം സംരക്ഷിക്കുന്നതിനുള്ള ഉത്തമമാര്ഗമാണ്. നിര്ജലീകരണം തടയുന്നതിനൊപ്പം വയറിലെ അസ്വസ്ഥതകള് കുറയ്ക്കാനും ഇത് മികച്ചതാണ്. ഭക്ഷണം കഴിക്കുന്നതിന് മുമ്ബ് ഒരു ഗ്ലാസ് പച്ചക്കറി സൂപ്പ് കഴിക്കാം.
വളരെ എളുപ്പത്തില് തയ്യാറാക്കാവുന്ന ജ്യൂസ് ആണിത്. ദിവസം മുഴുവൻ ശരീരത്തില് ജലാംശം നിലനിര്ത്താനും ഇത് സഹായിക്കുന്നു. ഫൈബര്, വിറ്റാമിനുകള് തുടങ്ങി അവശ്യപോഷകങ്ങളെല്ലാം ഇതില് ധാരാളമായി അടങ്ങിയിരിക്കുന്നു.
വീട്ടില് വളരെ എളുപ്പത്തില് തയ്യാറാക്കാവുന്ന പാനീയമാണിത്. ദഹനം മെച്ചപ്പെടുത്താൻ സഹായിക്കുന്നതിനൊപ്പം വിറ്റാമിൻ സിയും ഇതില് ധാരാളമായി അടങ്ങിയിരിക്കുന്നു. ദിവസം മുഴുവൻ ചര്മത്തില് ജലാംശം നിലനിര്ത്താനും ചര്മം മൃദുലതയോടെ ഇരിക്കാനും നാരങ്ങാവെള്ളം സഹായിക്കുന്നു.
പാലിന്റെയും മഞ്ഞളിന്റെയും ആരോഗ്യഗുണങ്ങള് ഈ പാനീയം നല്കുന്നു. കാല്സ്യം, പ്രോട്ടീൻ എന്നിവയുടെ മികച്ച സ്രോതസ്സാണ് പാല്. രാത്രി കിടക്കുന്നതിന് മുമ്ബ് പാല് കുടിക്കുന്നത് നല്ല ഉറക്കം കിട്ടാൻ സഹായിക്കുന്നു. ബാക്ടീരിയ, വൈറസ് തുടങ്ങി സൂക്ഷ്മാണുക്കള്ക്കെതിരേ പ്രവര്ത്തിക്കാനുള്ള കഴിവ് മഞ്ഞളിനുണ്ട്. കൂടാതെ, ശരീരത്തിന്റെ രോഗപ്രതിരോധശേഷി വര്ധിപ്പിക്കുകയും ചെയ്യുന്നു.
മുകളില് വിവരിച്ച പാനീയങ്ങള്ക്ക് പുറമെയും വെള്ളം കുടിക്കാൻ ശ്രദ്ധിക്കേണ്ടതുണ്ട്. നിര്ജലീകരണം വര്ധിപ്പിക്കാൻ സാധ്യതയുള്ളതിനാല് കാപ്പി പോലുള്ള പാനീയങ്ങള് ഒഴിവാക്കാനും ശ്രദ്ധിക്കണം
